吞POT 雞煲火鍋.住家菜 (譽發廣場) (已結業)

趁着吞POT而家做緊優惠，只要7:30前離座或者9:30後入座，火鍋配料或者小食都做有半價優惠👏🏻👏🏻所以琴日就約埋朋友一齊嚟食。我哋湯底就叫咗螺片花膠雞煲，飲完啖湯我哋就開始打邊爐，我哋人多，所以今次試到好多火鍋配料😙最有驚喜就係蟹籽墨魚滑😆墨魚滑係手打，真材實料，食到好多墨魚粒，加埋面頭嘅蟹籽，雙重口感，鮮味十足。其他手打丸類亦都好出色，另外芋絲都係必點，吸收晒湯底嘅精華，入味又唔肥。總結，餐廳坐得舒服，地點又容易去，食物質素亦相當滿意，一定會再光顧。