泰金鍋

營業中

休息中

平時台式放題就食得多，今次朋友介紹嚟到觀塘 亞太中心一間泰式火鍋放題泰金鍋，入到門口已經好吸引環境舒服富有泰國特色，食物種類繁多，自助區有無限量任撈新鮮海蝦及鮑魚任食，日泰小食，生果， 蔬菜，泰式甜品，精美點心， 香脆炸物，除咗罐裝飲品，仲有好多泰式特飲供應。我地揀左B餐, 未開鍋前可選一款特色名菜，我地揀左風山水起秘撈雞， 雞肉鮮嫩 加上醬汁 配料開胃惹味。火鍋肉類有澳洲草原羊肩肉，澳洲產下肩胛肉眼，特級牛胸腹，特選豚梅肉， 每款肉都各有特色，我最鍾意食澳洲產下肩胛肉眼， 肉質嫩滑油花好靚。甜品方面好多選擇，泰式椰汁西米糕，千層椰汁糕，布朗尼，紅豆沙，綠豆沙及有多款特色蛋糕等，仲有放題好少見嘅DIY 綿綿冰, 仲有多達17款 diy原料 任意配搭，啱曬小朋友。而家晚市仲做緊四送一優惠， 下次一定要叫埋屋企人一齊嚟試下。