影片
更多
2018-12-15
77 瀏覽
12月份四川🐼凍冰冰，但我地今晚嘅🐼係火辣辣架🌶️🌶️🌶️😝😝😝！唔經唔覺同學仔已經返左嚟成個月喇， 又係時候講拜拜！臨別秋波，餞行飯緊係要特別啲啦，不過都係要打邊爐囉😝。竟然俾佢搵到呢間四川火鍋，雖然要走到西環咁遠，但佢好近地鐵站，好方便，真係搵唔到借口唔去呢。據說呢間店係由一班港漂朋友開嘅，所以打正旗號正宗重慶火鍋，一啲主要調味配料都由家鄉運嚟，所以我兩都好期待！食重慶火鍋又可以唔點紅油鍋呀，店家就推介呢個咁Q嘅招牌🐼牛油火鍋，另外我地亦點左半鍋深圳椰子雞鍋。配料亦點左一大堆，務求一定要豐盛，而且主要都點啲四川火鍋地道食料：香辣羊肉串、鮮辣滑牛肉、至尊三寶，另外再加手切牛頸脊、手切牛舌片、脆鯇骨腩、墨魚滑。另外同學仔仲挑戰一味烤腦花添🤪。點好菜我地就坐定定等食，可能時間尚早，所以店內冇乜人， 不過我地walk in時店家話其實已經訂滿了，不過冇咁早，坐在角落，我就趁冇人影下餐廳佈置先，古式古鄉嘅裝修，深梨木色枱椅同大紅燈籠好襯，牆上掛滿熊貓主題嘅可愛小畫，餐廳唔算好大，但擺位都算寬敞，唔會枱貼枱👍。鍋底到了，嘩好可愛呀😍😍😍，店家將用辣椒粉煮過嘅牛油整成熊貓🐼造型，坐在辣椒配料上，店家會
竟然俾佢搵到呢間四川火鍋，雖然要走到西環咁遠，但佢好近地鐵站，好方便，真係搵唔到借口唔去呢。據說呢間店係由一班港漂朋友開嘅，所以打正旗號正宗重慶火鍋，一啲主要調味配料都由家鄉運嚟，所以我兩都好期待！
食重慶火鍋又可以唔點紅油鍋呀，店家就推介呢個咁Q嘅招牌🐼牛油火鍋，另外我地亦點左半鍋深圳椰子雞鍋。配料亦點左一大堆，務求一定要豐盛，而且主要都點啲四川火鍋地道食料：香辣羊肉串、鮮辣滑牛肉、至尊三寶，另外再加手切牛頸脊、手切牛舌片、脆鯇骨腩、墨魚滑。另外同學仔仲挑戰一味烤腦花添🤪。
點好菜我地就坐定定等食，可能時間尚早，所以店內冇乜人， 不過我地walk in時店家話其實已經訂滿了，不過冇咁早，坐在角落，我就趁冇人影下餐廳佈置先，古式古鄉嘅裝修，深梨木色枱椅同大紅燈籠好襯，牆上掛滿熊貓主題嘅可愛小畫，餐廳唔算好大，但擺位都算寬敞，唔會枱貼枱👍。
鍋底到了，嘩好可愛呀😍😍😍，店家將用辣椒粉煮過嘅牛油整成熊貓🐼造型，坐在辣椒配料上，店家會在你面前用大長咀水煲澆湯，當湯滾起時，可憐嘅熊貓就會倒塌並溶化，咁我地就可以開動了。而半鍋深圳椰子雞鍋呢，竟然有足半隻鮮雞上枱冇花冇假，雞雖然大隻，但好少脂肪，睇嚟店家有用心嚴選食材👍。我地將雞全放到椰子鍋內煲，椰子湯落足料唔止鮮甜仲好滋潤添😋😋😋，連我唔鍾意老火湯都飲左兩碗！
咪睇個Q版牛油鍋造型咁可愛， 但其實好🔥🔥🔥，仲越食越辣👅👅👅。好彩有椰子雞湯嘅甜味中和下啫！
先試羊肉串同鮮辣滑牛肉，兩款都係餐廳特別推介， 用了辣椒粉同孜然粉等香料醃製，朋友話有陣四川味夠正宗👍。滑牛真係好滑，就算放鍋裡煮好耐都唔會韌。
我就鍾意至尊三寶嘅黑毛肚同鵝腸，輕輕一焯，好爽脆。
佢地火鍋料款式多質素高份量大，我地點半鍋料時冇為意椰子雞煲雞嘅份量有咁大，所以失算了😅，唔覺意叫左足四個人食嘅份量呢😁，食到飽到上心口😜😜。
其實餐廳仲有乾鍋食添呀，下次要嚟試下先，我諗香辣乾鍋配白飯應該都唔錯架！
張貼
