影片
更多
2008-06-23
10 瀏覽
尋晚難得介紹同屋企人嚟呢間餐館食飯。但竟然一肚氣之前同朋友食開，大家都讚不絕口，佢哋嗰度又多中藥成份的清熱食物。而家天時暑熱，食得多咗煎炸嘢，咁咪諗住同屋企人嚟呢度食飯，順便清清熱氣。而且都係貪佢粉麵飯無限添加，所以先敢叫埋屋企人一齊食，但點知……我哋一行四人，共order咗3個餐，喺第一round order，我哋order咗三飯一米粉，首先阿爸同阿哥食完一碗飯後又再order一麵一米粉，跟住到我食完後，想再order多一碗米粉，啲waiter應咗我的order，但遲遲都未送到碗米粉出嚟。我哋不斷三番四次地催單，佢哋都有應我哋的order，但都遲遲未送到碗嘢出嚟。於是我哋就叫咗個疑似manager既人再催單，但嗰個人態度非常的不禮貌地話我哋已經order夠共六碗粉麵飯啦，不能再order多一碗粉麵飯，原因就係我哋一行四人，但只叫三個套餐，所以不能order超過6碗的粉麵飯。跟住我哋咪同佢理論囉，個餐牌明明寫住話粉麵飯可無限order，完全無講過話每人必定要order一個套餐，亦都無話過每個餐只限1人進食，不能2人share，亦都無寫到一個餐限最多order2個粉麵飯之類咁。嗰個疑似m
之前同朋友食開，大家都讚不絕口，佢哋嗰度又多中藥成份的清熱食物。而家天時暑熱，食得多咗煎炸嘢，咁咪諗住同屋企人嚟呢度食飯，順便清清熱氣。而且都係貪佢粉麵飯無限添加，所以先敢叫埋屋企人一齊食，但點知……
我哋一行四人，共order咗3個餐，喺第一round order，我哋order咗三飯一米粉，首先阿爸同阿哥食完一碗飯後又再order一麵一米粉，跟住到我食完後，想再order多一碗米粉，啲waiter應咗我的order，但遲遲都未送到碗米粉出嚟。我哋不斷三番四次地催單，佢哋都有應我哋的order，但都遲遲未送到碗嘢出嚟。於是我哋就叫咗個疑似manager既人再催單，但嗰個人態度非常的不禮貌地話我哋已經order夠共六碗粉麵飯啦，不能再order多一碗粉麵飯，原因就係我哋一行四人，但只叫三個套餐，所以不能order超過6碗的粉麵飯。
跟住我哋咪同佢理論囉，個餐牌明明寫住話粉麵飯可無限order，完全無講過話每人必定要order一個套餐，亦都無話過每個餐只限1人進食，不能2人share，亦都無寫到一個餐限最多order2個粉麵飯之類咁。嗰個疑似manager既人不斷話個餐牌度有寫有寫，我哋即時拎個餐牌打開問佢邊度有寫，佢就扮忙行開，跟住再無理會我哋了。我哋唯有只好埋單走了。
但是次去佢哋嗰度食飯，真係令我非常失望又氣憤，今時今日仲有咁既服務態度，真係唔要得。嗰個疑似manager能夠口聲聲講話喺個餐牌有寫度什麼什麼粉麵飯的order數量的話，咁又點解我哋打開本餐牌時問佢喺邊度寫咗，佢又扮忙一走了之。再者，我哋不斷再翻睇個餐牌，真係没有任何地方寫住限order粉麵飯的數量，但佢哋今次咁既服務，真的太令人失望了。我唔會再介紹其他朋友去幫襯佢哋架啦………
張貼