哥哥添飯•妹妹泡茶

營業中

休息中

火炭真係無咩好食，早排係坳背灣街開左間台灣便當兼珍珠奶店，為身的我又點會錯過，早早係試業期間已經大排長龍。餐廳有午餐Set，$33-43就已經有個台式便當加杯飲品，相比附近60幾70蚊的Cafe，都算幾抵食。由於試業期間，難免不能適應，所以D order都有D亂。今次我們叫左3份不同的便當，當中佢招牌鹽麴雞便當最受大家歡迎，最多人試！烤厚豚拼魯肉飯的豬排唔係真係好厚，不過煮得唔算太乾，味道還可以。不過佢的魯肉又幾香，值得一試！本身以為椒鹽雞排係炸雞排，不過原來係烤雞排。口感都幾香，不過都係佢的魯肉較吸引。最後係佢的招牌鹽麴雞便當，同樣53蚊，我覺得更抵食！鹽麴雞都幾入味，雞肉都算滑。飲品只係一般台式飲品店的Quality，無咩特別。不過比起玻璃屋個間，係好飲D的。