圓點工房

營業中

休息中

都係附近冇乜好嘢食，唔想食來食去同一間，係OpenRice就搵到呢一間啦，見佢排名好前，諗住質素有返咁上下，點知都係伏。其實佢個Menu就好吸引嘅，西餐大眾嘢，有豬扒有雞扒有魚柳薯角等等等等，都應該冇乜問題，點知食第一啖就出晒事。本身呢間餐廳呢都好多人， lunch時間全場爆滿，可能因為呢個原因，所以食物質素冇乜保證。我哋四個人嗌左四個餐， share一齊食，其中有個係豬手有一個係春雞有個係沙律，咁豬手啦，又硬又乾完全咬唔到，春雞都還好，起碼仲有雞髀嗰個位食得落口，啲雞胸肉真係完全冇人想食，沙律都係入得口嘅嘢食，咁但係沙律都係撈出黎，評論唔到廚房煮嘢食嘅質素，真係煮嘅炸嘅就數薯角最好食，質素如何，你明啦。不過都係果句，火炭來講，算係咁啦。