BINGER

營業中

休息中

【灣仔$35就食到Gelato】．自家新鮮即製鮮果酸奶奶昔．喺灣仔最平$35就可以食到Gelato！口味都有好多款，包括西西里開心果、蒙地卡羅朱古力、馬士卡邦起士味，大部份原材料都係由意大利空運到港。有我最鍾意嘅開心果味，份量都幾大杯，仲會灑上一羹開心果碎。另外馬士卡邦起士味都非常有驚喜！大推🫶🏻仲有坊間比較少見嘅牛油果味，食落超級Creamy，好滑順又健康，用自助點餐機落完單之後，仲可以試吓唔同味先至再揀。格仔餅夾Gelato我都係第一次食，仲要有兩球雪糕，非常之滿足。呢度仲有自家新鮮即整嘅鮮果酸奶奶昔，主打嘅係牛油果味，飲落都係純天然嘅味道，同埋有超過15種口味嘅雞蛋仔，記得要趁熱食。