家賀屋刺身寿司專門店

雖然話係刺身壽司專門店，但串燒、小食、炸物等居酒屋食物應有盡有，餐牌選擇多，眼花撩亂。有套餐、啤酒半價等期間限定優惠，重點推介儀式感環節：甜品寫字畫碟服務，想畫咩寫咩可以預先同餐廳講低，慶祝生日紀念日啱呀📢📢📢座位闊落唔會太迫，員工服務滿意，經常加茶同收拾枱面，啲茶飲淨7成都會自動波幫你加😁今晚同朋友全力主攻魚生刺身壽司類，刺身全部新鮮高質不是雞肋貨色，表現高水準，物有所值⭐️下次會想再嚟試其他居酒屋嘢食💛🎏白桃烏龍梳打酒 + 凍咖啡🎏本鮪三味丼定食（有本鮪赤身+本鮪赤身醬油漬+中本鮪魚腩+手切本鮪魚腩蓉）吞油脂比例完美，有魚油油感但又唔會太油膩，配飯絕對唔漏，如果唔喜歡食太肥又想食到魚香可以揀呢款。值得一提係佢地嘅飯用咗赤醋，調味甘甘甜甜好開胃仲可以解膩，加上芝麻更加香，飯嘅乾濕、鹹淡程度恰到好處，口感煙韌，越食越想食嗰隻😋🎏火炙左口魚裙丼定食重魚油香fans必點！燒過嘅左口魚魚油逼晒出黎油脂感好澎湃，帶少少炙燒焦香味完美😍🎏海膽龍珠卷必食推介🔥眼見基本上每台都order一份😎龍珠即係醬油漬蛋黃，味道醇厚油潤，連海膽同吞拿魚蓉食鹹香又鮮甜，口感爆creamy👍🏻👍🏻👍🏻加咗金箔造型靚仔