正潮樓

營業中

休息中

.早幾日收工同同事去灣仔食潮州菜🤤呢個同事咁啱住喺灣仔 佢話呢間潮州菜都好出名🤘🏻平時都成日同屋企人嚟食😋好少食潮州菜嘅我即刻話要試吓🤩.店內嘅裝修都好華麗 就算平日都有唔少一家大細嚟食黎食潮州菜一定要食滷水 滷水鵝片就最吸引我哋我問同事鵝肉同鵝片嘅分別 佢話鵝肉就有骨嘅 鵝片就啖啖肉🥰另外一人一碗蠔仔粥 再叫椒鹽九肚魚同埋腩肉炆涼瓜😝佢哋嘅滷水鵝肉真係非常之入味 點少少酸汁食已經非常開胃口🩷蠔仔粥份量都唔少 冇諗過一人一碗都咁大碗！仲有好多大大粒飽滿嘅蠔仔 成個粥底都唔會太鹹 食到蠔仔嘅鮮味椒鹽九肚魚一定要上枱盡快食 熱辣辣就最好味 外脆內軟😋九肚魚非常腍又好滑 店家特別配咗柚子蜜糖 點嚟食酸酸甜甜咁樣 好特別涼瓜炆腩肉係炆得非常之出神入化 涼瓜腩肉同埋冬菇都好腍好入味 涼瓜苦得來帶點甘香 腩肉都索左啲甘甘地既苦瓜汁👍🏻一試難忘.終於明白點解呢間潮州菜會咁出名啦🫶🏻