家賀屋刺身寿司專門店

阿叔平時多數晌港島區行走，所以多數都係哩區覓食，最近同朋友去咗哩間居酒屋食飯，覺得性價比好高，所以分享一下！🔸麒麟一番榨冰啤（西瓜味）🔸麒麟一番榨冰啤🔸酒淆三味🔸刺身：特大北海道口岸蠔、山葵柚子漬水母刺身、三文魚腩刺身🔸壽司：真鱈白子、家賀壽司、火炙秋刀魚壽司、秋刀魚壽司🔸特選鮪盛：赤身、中拖羅、大拖羅🔸鹽燒吞拿魚鮫🔸冷稻庭手打烏冬🔸菠蘿雪芭🔸蘋果雪芭餐廳有冰啤飲，啤酒上嘅泡泡變咗沙冰，好特別，好冰涼。令啤酒keep住凍冰冰。西瓜味，味道甜甜地，好岩女仔飲！送酒嘅配菜都好唔錯，有麵豉青瓜、鰹魚醬漬蒜頭、牛蒡醬油漬。刺身嘅蠔好肥美鮮甜，而且好大隻！好滿足呀！另外，水母刺身都好爽口開胃！食完刺身就到壽司啦，白子質地好綿滑，唔會腥。家賀屋壽司有蝦、海膽，味道好鮮甜。仲有秋冬好肥美嘅秋刀魚，魚味香濃！三款拖羅魚味甘香，入口即溶，好食！熱食有燒魚骹，好香口，魚肉燒完都好嫩滑，食完嚟個煙韌彈牙嘅冷烏冬做收尾，最後食埋甜品就飽哂啦！超滿足！