潮牛腩

營業中

休息中

Item: 潮牛腩
Rating: 2
Author: beryen

IN BEEF

123 食評

味道

環境

服務

衛生

抵食

2336

灣仔

$51-100

港式粉麵/米線

beryen

等級4

200

日日都操就係為咗晏晝或者夜晚果餐，知道今晚都係食素、晏晝梗係未能食素啦，所以去咗灣仔潮牛腩，價錢除非有好，唔緊要最緊要物有所值，即刻叫碗爽腩河開心下先，上抬後我以為睇錯，收我$98一碗，俾五大嚿牛腩我，唔知以為今日我生日，大佬我叫爽腩你就俾啲坑腩加肥膏Remix我，唔係一舊牛腩帶少少肥膏就叫做爽腩呀大佬，啲河粉潮漲，我都知道冒險㗎喇，但係冇諗過會冒險到呢個點，九記、水記、傳承牛腩全部都唔敢收呢個價錢，你敢收就要俾啲良心食物人哋啦、湯底標明用咗18個鐘頭牛骨熬出嚟，我飲完由灣仔口渴到尖沙咀，可能真係用咗18個鐘頭熬出嚟不過唔係湯底係味精製造過程。每個人都需要有第二次機會，我見到個餐牌上有豬腳筋，呢個係一個十分之有Heart 嘅食品, 於是諗都唔諗你都碗豬腳筋X自製韭菜餃粗麵, 平心而論豬腳筋係好食嘅，冇雪味，韭菜餃10分飽滿，充滿韭菜，食食吓忽然遇到我初戀情人「蚊芝」，好彩我太座唔係坐我側邊，我即刻同佢打個招呼先，跟住我介紹「蚊芝」之俾侍應姐姐認識一下，侍應姐姐諗都唔諗就即刻棒打鴛鴦、搞到我最後同「蚊芝」不能有情人終成眷屬

日日都操就係為咗晏晝或者夜晚果餐，知道今晚都係食素、晏晝梗係未能食素啦，所以去咗灣仔潮牛腩，價錢除非有好，唔緊要最緊要物有所值，即刻叫碗爽腩河開心下先，上抬後我以為睇錯，收我$98一碗，俾五大嚿牛腩我，唔知以為今日我生日，大佬我叫爽腩你就俾啲坑腩加肥膏Remix我，唔係一舊牛腩帶少少肥膏就叫做爽腩呀大佬，啲河粉潮漲，我都知道冒險㗎喇，但係冇諗過會冒險到呢個點，九記、水記、傳承牛腩全部都唔敢收呢個價錢，你敢收就要俾啲良心食物人哋啦、湯底標明用咗18個鐘頭牛骨熬出嚟，我飲完由灣仔口渴到尖沙咀，可能真係用咗18個鐘頭熬出嚟不過唔係湯底係味精製造過程。

每個人都需要有第二次機會，我見到個餐牌上有豬腳筋，呢個係一個十分之有Heart 嘅食品, 於是諗都唔諗你都碗豬腳筋X自製韭菜餃粗麵, 平心而論豬腳筋係好食嘅，冇雪味，韭菜餃10分飽滿，充滿韭菜，食食吓忽然遇到我初戀情人「蚊芝」，好彩我太座唔係坐我側邊，我即刻同佢打個招呼先，跟住我介紹「蚊芝」之俾侍應姐姐認識一下，侍應姐姐諗都唔諗就即刻棒打鴛鴦、搞到我最後同「蚊芝」不能有情人終成眷屬