OVO CAFE

營業中

休息中

好認真，六半至七半都係繁忙時間，想要靚位真係早少少去，餐廳同花店都係同一位置，食素既同時賞花都係一種享受。我們叫左dinner set,有湯有沙律有主菜有小食有野飲，其實都好抵食。日式咖喱吉列豬扒飯，豬扒當然係素肉啦，大件厚身，炸得香脆又通透。咖喱汁似日式，味道偏甜微辣。黑松露野菌燉飯，以菇菌為主，黑松露的香氣樸鼻，野菌菇味濃郁芳香，米飯吸收了香菇味道，加上不少的芝士，很吸引。小食都唔錯，花枝魚餅炸得香口，菇味像墨魚香，忌廉芝士西蘭花很新鮮，很creamy。沙律菜新鮮爽脆，仲有不少生果，我哋更喜歡蘑菇湯，每啖都有粒粒蘑菇蓉，甚有口感。水果茶很健康，沒有加糖漿的，只有水果的甜味滲入茶水當中。老公飲芒果奶，奶味香濃帶有芒果的香甜。