紅城

營業中

休息中

今朝早起身，做完運動之後就喺灣仔搵地方食早餐，最後就決定去紅城食個早餐，咁我慣常都鍾意食佢哋嘅沙嗲牛肉公仔麵，配佢哋嘅多士啦炒蛋同埋飲杯凍奶茶嘅！沙嗲牛肉公仔麵面底係有麻油味嘅公仔麵啦，咁沙嗲牛肉味都好濃，牛肉夠晒味，亦都夠嫩滑！多士落左奶油，烘得夠哂脆口！炒蛋夠哂滑，唔會過熟！最緊要就係我杯凍奶茶，奶味夠晒香濃，配合埋個茶底，嘆咗個咁嘅早餐真係一流！佢門口都有啲新鮮出爐嘅麵包賣㗎，有時我都買返個菠蘿包返公司食，今日太飽就唔買啦！