家賀屋刺身寿司專門店

之前聽人介紹呢間餐廳好多次，終於到我有機會試！一出lift就已經到達左餐廳，非常方便。 餐廳係用app落單，非常方便，但會叫下叫下叫左好多🤭🤭🤭我地最後叫左秋刀魚、生蠔、鮟鱇魚肝沙律、炸三文魚皮，叫左個師傅特選既壽司定食！仲有，特盛山椒鰻魚丼同埋小食既照燒慢煮雞扒。而甜品就叫左朱古力心太軟！同埋叫左杯冰啤🤭先講個鮟鱇魚肝沙律😍第一次食，幾好食，有啲似食緊鴨乾嘅感覺！而且佢配咗啲海苔，成件事好開胃😍😍其實我平時唔食秋刀魚，但係呢個秋刀魚刺身的確好好食，佢另外配咗一個好似柚子嘅醬汁，都唔錯，不過我都係鍾意點返豉油。而生蠔係非常先出色，啖啖肉，漲卜卜咁😍😍而壽司定食配上嘅炸生蠔，我勁鐘意😆😆😆炸得好香口，而且炸完唔會無左個蠔味💚壽司件件都不過不失，最出色係海膽😆夠哂甜美✌🏻其實食到呢度，我哋已經好飽，點知個鰻魚丼一度，真係嚇一跳！好足料！鰻魚兩大條！不過有少少幼碎骨，如果唔怕既吞埋其實都okay😊最後，心太軟整得好好食，唔會過甜，而且中間真係流心😍😍😍