影片
更多
2023-03-11
119 瀏覽
灣仔最近新開咗一間有得食Omakase、割烹同炭火燒鳥嘅餐廳。餐廳由日籍主廚 Shizuaki Mori San 主理，著重「色、香、味、器，法」五者和諧統一。呢度仲有幾間Private room可以包場🥰 嗰日就同咗幾個好姊妹食，由Head Chef Rex 為我地安排，成餐飯都食得好開心。(ﾉ>ω<)ﾉ🤍大蜆清湯食刺身之前有碗用大蜆煮嘅清湯，湯好清甜，重海鮮味。 🐟刺身✿ 宮城縣赤貝✿ 愛知縣象拔蚌✿ 金目鯛 ✿ 深海池魚✿ 鰤魚(野生油甘魚)✿ BB 拖羅刺身試咗6款，每款都好新鮮。赤貝同象拔蚌配由梅子、鹽同sake整成嘅醬汁，鮮甜爽口。深海池魚同鰤魚肉質嫩滑，重魚味。BB 拖羅配蛋汁同蘿蔔蓉酸汁食，油脂豐富。🍣壽司✿ 墨魚✿ 北海道牡丹蝦✿ 劍魚腩✿ Kama Taro✿ 白海膽 ✿ 鯖魚棒壽司✿ 赤身手卷 壽司同樣好高質，師傅用心制作，間唔中仲同我地講下笑。墨魚軟糯，牡丹蝦鮮甜黏口。Kama Taro係拖羅近魚鮫位，油份好重，入口即溶。(৹ᵒ̴̶̷᷄ ฅᵒ̴̶̷᷅৹) 當中最吸引嘅就係白海膽，師傅夾咗好多海膽俾我地🥹 入口好鮮甜，有海水味，好好食。😋 最後嘅赤身手卷紫菜好
嗰日就同咗幾個好姊妹食，由Head Chef Rex 為我地安排，成餐飯都食得好開心。(ﾉ>ω<)ﾉ
🤍大蜆清湯
食刺身之前有碗用大蜆煮嘅清湯，湯好清甜，重海鮮味。
🐟刺身
✿ 宮城縣赤貝
✿ 愛知縣象拔蚌
✿ 金目鯛
✿ 深海池魚
✿ 鰤魚(野生油甘魚)
✿ BB 拖羅
刺身試咗6款，每款都好新鮮。赤貝同象拔蚌配由梅子、鹽同sake整成嘅醬汁，鮮甜爽口。
深海池魚同鰤魚肉質嫩滑，重魚味。BB 拖羅配蛋汁同蘿蔔蓉酸汁食，油脂豐富。
🍣壽司
✿ 墨魚
✿ 北海道牡丹蝦
✿ 劍魚腩
✿ Kama Taro
✿ 白海膽
✿ 鯖魚棒壽司
✿ 赤身手卷
壽司同樣好高質，師傅用心制作，間唔中仲同我地講下笑。墨魚軟糯，牡丹蝦鮮甜黏口。Kama Taro係拖羅近魚鮫位，油份好重，入口即溶。(৹ᵒ̴̶̷᷄ ฅᵒ̴̶̷᷅৹)
當中最吸引嘅就係白海膽，師傅夾咗好多海膽俾我地🥹 入口好鮮甜，有海水味，好好食。😋
最後嘅赤身手卷紫菜好脆，赤身嫩滑。
🦀白子蟹肉茶碗蒸
賣相好精緻，鱈魚白子好creamy，配上用毛蟹煮嘅汁，好鮮甜。
🍷紅酒煮鮟鱇魚肝
鮟鱇魚肝好厚身，用紅酒汁煮去除魚肝嘅腥味，好creamy。
🌾米味噌湯
第一次飲加咗米嘅味噌湯，冇平時嘅咁鹹，幾暖胃。
最後係甜品環節，有我好鍾意食嘅玉子燒配蜜瓜🍈 玉子燒口感好綿密，蜜瓜清甜多汁。
🍸Amai
另外叫咗杯Mocktail，好香肉桂味。
張貼
