麵匠風龍

營業中

休息中

今次👦🏻就同同事去灣仔食lunch，發掘左一間新既高質拉麵🍜。1點幾去到已經排哂長龍，最後我地等左45分鐘先入到去食，好彩無令我地失望。事不宜遲，依加即將進行介紹。餐廳拉麵選擇得兩款，豚骨湯拉麵同蝦味噌拉麵，今次就試左前者。加上小食就提供三個選擇：小龍蝦蟹子沙律、煎餃子、芥辣蝦沙律，今次就試左小龍蝦蟹子沙律。🌟小龍蝦蟹子沙律🦞🥗誠意推介一定要試，小龍蝦啖啖肉，好足料。包埋紫菜食，外脆內軟，鐘意龍蝦手卷既一定會鐘意食😋。🌟豚骨湯拉麵🍜奶白色湯底，好濃既豬骨湯味，飲完都唔會話好口渴。拉麵硬度適中，唔會話好硬或好軟，建議一定要食麵連湯飲。溏心蛋好滑，亦都好夠味👍。可惜佢個叉燒不如人意，可能燒得太耐，比較乾身，幾令人失望。