福源川香閣

營業中

休息中

今晚同同事去食飯，我地去咗同事推介嘅四川餐廳到食晚餐！嗰度嘅環境都唔錯！座位又大又舒服😌呢度啱晒一班人嚟食飯傾偈😍佢啲嘢食總括嚟講都幾好味😋，但我覺得最值得推介嘅係以下呢幾樣！💯霸王蝦$158 ‼️原隻鮮蝦拎去炸，口感非常香脆，再連埋花椒，辣椒🌶️同川式調味料一齊拎去炒。鮮蝦索晒辣椒嘅味道。非常滋味！💯干鍋田雞$118‼️田雞炸到好乾身，一啲油膩嘅感覺都冇。咬落口肉質鮮嫩。而且非常多汁，再配埋青椒🫑同自家製嘅麻辣油一齊食。好食到停唔到口。呢個值得推介！💯乾撈牛肚$68‼️第一次食乾撈金錢肚。口感非常腍同爽口！而且煮得非常入味，加埋自家製嘅調味料一齊撈。每舊金錢肚都比辣椒同調味料包裹住。味道非常有層次。超正！💯貴州辣子雞 $188‼️雞肉好嫩滑。廚師整到細細粒，一啖一粒，超級方便！雞嘅味道非常濃郁，加埋唔同嘅辣椒同川式調味料一齊炒。味道辣得黎非常鮮味。好快就俾我哋食晒！