職人食事 (石水渠街)

營業中

休息中

大家都知灣仔食野好鬼貴，茶記係60-70起跳，想食日本野就100+，都仲要未講質素。職人食事係平得嚟又好味，真係打工仔福音。先飲左個麵豉湯 ($15)，再食個丼飯。首先想讚嘅係佢嘅飯丼，真係大碗足料抵食，吞拿魚蓉丼 ($80)同牛扒飯 ($70)，基本上食完之後已經飽左haha。但一場來到，都一定要叫下刺身同小食。三文魚刺身 ($76)塊塊都好厚切，食落就知佢好新鮮。另外，唔少得叫下前菜，有中華沙律 ($25)同埋螺肉 ($25)。全餐幾有驚艷係三文魚鮫 ($45)同雞泡魚乾 ($70)。三文魚鮫比平時食嘅煎三文魚好似多左一層薄油嘅感覺，所以食落你唔會覺得好乾好鞋。雞泡魚乾係值得一推，好咬口之餘，好岩同朋友食住chill。