李圓圓 (寶安大廈) (已結業)

之前飲過佐敦間李圓圓，感覺佢嘅黑糖珍珠鮮奶比較特別。因為佢嘅味道比較濃郁，所以今次去到旺角飲。旺角嘅李圓圓鋪位位於天橋底後面，所以要細心留意一下先搵到呢間舖頭。舖面細細嘅，一如既往係收銀旁邊有一煲煲緊嘅黑糖珍珠。咁我嗌咗黑糖珍珠鮮奶2.0($33)，店員會問一問你要唔要即場飲。如果即場飲的話，佢會幫你攪勻杯飲品。如果唔係即場飲，佢會另外配上印有李圓圓圖案嘅白色外賣包裝紙，畀你拎走，都幾靚。咁一拎上手呢就會feel到下面嘅黑糖珍珠暖身，上面嘅鮮奶係凍，一冷一熱。如果黑糖珍珠遇到鮮奶後，珍珠會變硬身; 反而，黑糖珍珠未遇鮮奶前則比較淋身，隨你喜好。因為有啲人鍾意比較食硬嘅珍珠，認為較有咬口，所以就會鍾意成杯奶茶攪勻先飲。我自己就鍾意分開飲，可以分開食黑糖珍珠，亦可以飲到特濃牛奶嘅感覺，互相平衡。而我覺得李圓圓嘅黑糖珍珠黑糖味比較重，珍珠一般不會過冧，所以我特別喜愛佢嘅黑糖珍珠。