一生懸麵

營業中

休息中

不嬲都好鍾意食一生懸麵，九龍灣得寶商場分店第一次去，我地坐日本果種bar枱位食，啲日本回憶返晒黎呀🥹🥹我嗌左海老拉麵，朋友嗌左白湯豚肉拉麵，兩款都係指定左幼麵，可以自選麵條軟硬口感，蔥同荀都可以自由剔走。海老拉麵真心係我喺呢間最鍾意食嘅一款，皆因佢啲櫻花蝦係舖滿左半邊碗，櫻花蝦嘅口感同咸香味道我超鍾意！每次食完都不禁大讚！白湯豚肉拉麵嘅湯底都係好香濃，啲豚肉腍身又唔會太多肥膏，溏心蛋煮得好靚。小食我地嗌左椰菜同煎餃，小食都幾大份架。兩支野飲分別係橙綠茶同荔枝綠茶，呢兩款茶都唔係死甜果種，反而係低甜度而且充滿果香味，幾推介！