民華餐廳

營業中

休息中

星期天出城去東涌逛逛，行到攰攰地要揾野食。之前有朋友提過富東商場有間民華餐廳既鮮牛茄通唔錯，決定試試。穿過整潔的東涌街市，就會見到幾間食肆。餐廳位置當眼，容易搵。店面不大，裝修麾登。星期天下午兩點多，已坐滿了客人，但座位略嫌狹窄。餐牌選擇不多，有蒸飯、點心和常餐。我點了最喜歡的番茄湯鮮牛通，配雙熟蛋、烘牛油厚多士、凍o茶。上餐速度快。襯熱食左件去皮烘厚多士，烘得脆脆的，配上薄薄的煎蛋（條邊係脆的！）不油不膩。之後食主菜鮮牛通，先喝淡湯，嘩！要小心小心，因為真係好熱！嗰湯底好杰好濃，伴左少少番茄碎，好好味道，D通粉亦剛剛好，不會太「淋」。整體唔錯，食完冇口渴的感覺。