鬼金棒牛骨辣麻拉麵 (已結業)

呢到食拉麵係冇加一! 😗 餐廳燈光夠哂明亮，同姊妹店既設計完全唔一樣。牛骨拉麵 ❤ 自選麻度同辣度，我地叫左唔辣唔麻，湯底用牛腿骨煲，入口啖啖牛油香氣夠哂濃郁，食材有入面軟熟既牛肉 有嚼口牛筋 生洋蔥 玉米筍 同蔥花，非常豐富。拉麵係幼麵，夠哂爽口，掛湯一流。雖然材料份量有D小，但係啖啖牛香味，真係令人一啖接一啖月見 安格斯牛肉丼❤ 先黎俾佢深黃色既蛋黃心心眼!! 薄薄一片片既安格斯牛肉口感豐富，肉質厚實，撈埋隻蛋同飯，入口夠哂實在，好滿足，價錢小貴，但同人地share過下口癮一試無妨。秘制醬汁慢煮牛筋丼 ❤ 牛筋入口好痴嘴，夠哂滑溜軟綿，加埋佢地小小既濃調秘制醬汁，正!煎餃❤ 一碟六粒，皮薄餡料充足，必點小食。