Hot Pot 熱‧海鮮火鍋私房菜 (已結業)

今日又同朋友出九龍區搵食，經過新寶商場見到呢間火鍋做緊優惠，於是就上咗去試見到有個二人餐都幾抵，所以我哋就嗌咗個二人餐，另外加咗黑豚豚肉片、雞髀肉同埋蜂巢豆腐其實平時出去就好少食沙嗲湯底，因為覺得會好重味精，不過朋友想食沙嗲，咁就照叫啦點知令我好意外嘅係，竟然真係有豬骨！同埋見過賣相都幾好，未綠野之前特登潷咗啖湯試，竟然唔係得味精嘅鹹味，係鮮甜架！等緊火鍋配料嚟嘅時候，職員就送上調味料俾我哋畢，調味料唔算豐富，不過佢個湯底夠香，都唔使點再加調味料嘅我哋嗌咗兩杯芒果沙冰，一上嚟嚇親😂😂勁大杯，我哋打完個邊爐飲咗一半咋都係冇後悔加錢嗌呢個蜂巢豆腐，因為個湯底好正，食蜂巢豆腐就可以嗍晒啲湯嘅味道🤟🏻係好靚仔嘅牛小排啊，職員仲比左雞蛋液我哋，叫我哋淥熟咗塊牛之後浸落去食，因為湯底真係夠香，所以都唔使特別點豉油，直接點落啲蛋度食好滑，好嫩！我極度推薦大家加雞髀肉，因為好滑呀，同埋份量好多，兩個人食絕對夠黑豚肉片肥瘦平均，都好好食我哋揀咗菇類拼盤，特別鍾意食海鮮菇😋平時打邊爐就最鍾意食手打墨魚丸同蝦丸㗎啦😹😹仲有薯粉，正😄我真係好欣賞佢哋嘅湯底，真係好少好食到沙嗲湯係清香同埋唔油膩！