Bugis@叻沙・海南雞飯

營業中

休息中

同前同事係荔枝角個頭食飯，平時都比較少上到D2 place一期3樓食野。見到有間食叻沙嘅餐廳，啱晒鍾意食濃味食物嘅我。午市套餐雖然唔算平好多，但為免麻煩都係叫套餐。-鮮蝦乾撈麵 $72一碗裡面有齊蝦、煎蛋、豆卜、同雞翼，份量其實唔算好多，但對我而言都夠飽。加上呢個套餐仲會跟一碗湯，味道都算清甜嘅，飲多兩啖都飽飽地。個人幾鍾意撈麵嘅味道，夠鹹香，唔會出現有啲麵無醬汁嘅情況。-黑糖珍珠豆漿第一次試加咗黑糖珍珠嘅豆漿，感覺都幾新鮮。本身仲驚會有伏，但原來呢個配搭都幾正。撈勻後豆漿有淡淡嘅黑糖香，好特別，珍珠都頗煙韌。