影片
更多
2014-12-23
276 瀏覽
一別 11 個多月，老闆娘仲認得我喎，環境無咩變，不過食客顯然少左好多，無辦法啦，依家大埔開多左好多問雞煲，又開左好多新餐廳，競爭非常激烈呢 ﹗我都要等枱，第二張。朋友仔仲未到，咁耐無黎硑究下個 menu 先，似乎無變過噃。奇味雞煲一隻中辣，今日好辣喎，搞到我不停颷汗，抺過不停 ﹗係咪近來我晚晚飲醉所以抗辣性弱左？定係依家比以前辣左呢？好鬼刺激，雞肉嫩滑帶肉汁，多種香料既味道加上辣椒、指天椒、花椒，辣到好 high 啊 ﹗奇味雞炒烏冬中辣，老闆娘就醒目地問我要邊隻烏冬，我要可以即炒普通嗰隻得喇，如果用贊岐烏冬，又要攞去烚左先呢。雖然噹噹只係平價烏冬，但配上奇味麻辣都非常好味，所有辣味滲入每條烏冬，比剛才既雞更辣，不過越辣越想食，好美味呀 ﹗不停抺汗又不停食囉。朋友仔頂得住啲雞，但頂唔住烏冬，食左幾條要放棄喇。最後所有烏冬由我一手包辦，雖然好辣，但好好味呢 ﹗以前我地仲會炒埋肥牛同豬潤，味道更香更濃添呀 ﹗極地辣烏冬就食完喇，體肉溫度颷升，堅要杯冰凍可樂降溫呀 ﹗手切本地牛肉，今晚碟牛怪怪地咁，太腍喇，少了點咬口，牛味還可以啦，但有點偏瘦，甜味不足，不過不失啦。黑豚腩片，我好似未試過喎，
張貼