影片
更多
2019-04-23
669 瀏覽
今日同媽媽去銅鑼灣濕平所謂‘’三軍未動糧草先行‘’梗係醫咗五臟廟先！就去fashion walk 呢間“喜喜冰室”醫肚講真⋯⋯呢度唔就腳 行到街尾仲要轉入小巷響大街基本上完全見唔到呢度有間餐廳但轉到入嚟卻係另一番景象～餐廳本身個面積唔細，出面仲有露天座位，門口可以放一張乒乓波枱添（唔知有冇得真係玩下哈哈）真係未食先興奮入到去見一排卡位仲係小巴造型感覺真係好地道好港式 呢個裝修佈置用黎打卡厄like 真係一流架！好！叫嘢食啦喂！喜喜茶餐 $52 （火腿炒蛋、叉燒湯意粉、牛油多士）沙嗲牛肉配日本出前一丁 $59黑白多士 $28番茄牛腩粒湯米配炒蛋牛油多士 $57☕☕首先係喜喜茶餐老老豆豆～叉燒湯意冇乜特別但個火腿炒蛋好正！用真雞蛋，唔係蛋漿，真加分！而多士牛油味勁香勁滑溜跟住係沙嗲牛肉配日本出前一丁一上枱，賣相已經贏咗有菜有芝麻鋪面，以茶餐廳來講，真係贏曬！沙嗲牛肉醬汁好香好濃郁，牛肉帶少少肥好腍又好香肉味 食到我lam lam脷黑白多士其實係黑芝麻醬配煉奶一啖咬落去，個黑芝麻醬好香好出，咬多兩啖就有煉奶嘅甜味出埋黎！美中不足就係個多士唔夠濃唔夠脆～如果可以烘耐少少就Perfect池啦最後
所謂‘’三軍未動糧草先行‘’梗係醫咗五臟廟先！
就去fashion walk 呢間“喜喜冰室”醫肚
講真⋯⋯呢度唔就腳 行到街尾仲要轉入小巷響大街基本上完全見唔到呢度有間餐廳
但轉到入嚟卻係另一番景象～
餐廳本身個面積唔細，出面仲有露天座位，門口可以放一張乒乓波枱添（唔知有冇得真係玩下哈哈）真係未食先興奮
入到去見一排卡位仲係小巴造型
感覺真係好地道好港式
呢個裝修佈置用黎打卡厄like 真係一流架！
好！叫嘢食啦喂！
喜喜茶餐 $52 （火腿炒蛋、叉燒湯意粉、牛油多士）
沙嗲牛肉配日本出前一丁 $59
黑白多士 $28
番茄牛腩粒湯米配炒蛋牛油多士 $57
☕☕
首先係喜喜茶餐
老老豆豆～叉燒湯意冇乜特別
但個火腿炒蛋好正！用真雞蛋，唔係蛋漿，真加分！
而多士牛油味勁香勁滑溜
跟住係沙嗲牛肉配日本出前一丁
一上枱，賣相已經贏咗
有菜有芝麻鋪面，以茶餐廳來講，真係贏曬！
沙嗲牛肉醬汁好香好濃郁，牛肉帶少少肥
好腍又好香肉味
食到我lam lam脷
黑白多士其實係黑芝麻醬配煉奶
一啖咬落去，個黑芝麻醬好香好出，咬多兩啖就有煉奶嘅甜味出埋黎！
美中不足就係個多士唔夠濃唔夠脆～
如果可以烘耐少少就Perfect池啦
最後but not least ～係媽媽叫嘅蕃茄牛腩粒米粉！
佢一路食一路嗌好味，食咗15分鐘佢應該講好味超過10次（太可愛）
真係好似好好食咁，所以我點都要試埋一份！
媽媽激讚牛腩粒，佢話每粒都有少少肥，唔會太瘦，放入口即溶，唔使𡁻
仲有個湯底，好濃郁嘅羅宋湯底味！
除咗蔬菜底仲有好香嘅羅勒葉，佢話配埋個牛腩粒真係冇得頂～～
唯一就係個米粉好似同成個湯唔係好夾，又唔入味，所以最後佢食晒牛腩同飲晒湯，但食淨個米粉囉
媽媽成日話出街食嘢貴，但呢一餐佢食得甘開心，乜都抵晒啦～你話係咪先
最後提一提，呢度係有加一的！
真係唔係一般嘅茶記～（茶記有咩service可言）
張貼
