喜喜冰室 (已結業)

喜喜冰室係一間充滿懷舊風格嘅茶餐廳😍，佢裏面嘅裝修佈滿咗六七十年代既擺設，仲有一列超舊式嘅小巴座位，而室外仲有一個小型遊樂場，包括古董嘅旋轉單車😆，我就梗係叫返佢哋嘅經典菜式，同呢度必食嘅嘢啦🧡雞批浮台 $48 :未食嘅時候睇相已經覺得呢一道菜幾特別，所以叫嚟試吓，佢將成個雞批放咗落去菠菜蓉湯度，食落去味道又幾特別喎同幾夾😋，將本身雞批比較膩嘅味道中和咗，又可以當湯咁飲唔錯👍🏻👍🏻🥩鐵板洋蔥鴛鴦扒配烤蕃薯野菜 $128 :唔知佢哋嘅是日午餐會唔會每一日都唔同，今日其中一款就係鐵板鴛鴦扒，佢係牛扒拼雞扒薯菜方面係烤番薯，呢個配搭比較少有，食落都幾飽😌，雞扒同牛扒都係偏腍身，雪藏味就唔算太覺，同出面食開嘅鐵板味道差唔多，價錢適中👍🏻🐟古法蒸原條黃花魚 $98 :另外一款是日午餐就叫咗原條黃花魚，蒸出嚟嘅效果唔錯，黃花魚本身比較多骨食落去唔算太覺有腥味，蒸出嚟嘅都係原汁原味，另外再配個白飯就一定夠飽啦👏🏻💙型男餐 $68 :另外再叫咗個型男餐，蔥花火腿炒蛋，芝士牛油扒多士拼蕃茄牛腩濃湯伊麵，仲可以叫埋佢哋懷舊唂咕做餐飲😍，唂咕依家買少見少，有嘅梗係要飲吓啦👍🏻，要讚吓佢個蔥花炒蛋，嫩得來都幾滑算唔錯😋💚喜喜茶餐 $63 :最後叫咗個茶餐火腿炒蛋拼叉燒湯意粉，呢個又係好多冰室嘅餐嚟，叉燒嫌佢有啲乾同埋太瘦，食落都有啲老，個意粉同湯底就可以既…查看更多

Lunch hour 餐廳食客小貓三兩隻，outdoor 餐區環境一般，唔係chill 果隻，風機一頭一尾共兩部，唔多夠吹，有d焗，仲不時有d 唔知邊度吹嚟嘅廚房油煙味。好喇，搵枱坐，見佢哋枱又唔抹求其清走上手客食完野d 碗碗碟碟就算數，枱上仲殘留上手食客食完野嘅痕跡，食完野唔抹枱係咩痕跡唔講喇，自己想像下啦，咁嘅衛生尺度真係幾掂😳。坐低咗，咁我就响袋道攞咗幾張私伙紙巾抹乾淨張埋枱，跟住就有個疑似老闆嘅女人走去我隔籬枱清枱，佢見我抹完枱果幾張紙巾放響枱面，然後佢就好自然咁幫我拎走果幾張紙巾，不過唔係抌落垃圾桶，而係唔好嘥攞咗去循環再用，愛嚟抹隔籬枱🙀。叫個午餐食，炒蛋唔熱賣相求其就算，個湯麵都唔知識唔識煮，成碗似baby food 咁樣，淋到一pat pat，湯就顯然d 麵煮過咗火乾哂水咸到癲果隻, 只係同個疑似老闆嘅女人comment 吓姐，接受comment 先至可以有改善同進步㗎嘛，唔係咩🤔，內心其實都冇乜期望，之不過佢望一望就話可能水吧煮耐咗小小，淋d好過唔熟，冇咩大問題姐😤我心諗得㗎喇你👍！老實講如果食野唔係食味道，食品質，廚師嘅煮功…. 純粹只係要求係食飽，咁咪冇問題囉。不過，又唔係叫你煮鮑參翅肚咁高難度嘅食材，只不過係簡單一個湯麵都煮成咁，過得自己過得人啫。跟著隔離枱有個男人要落單，就叫碟唔知乜乜炒飯但話明要走青、走青豆、走三色豆….. 又係果個疑似老闆嘅女人同佢落單，碟炒飯嚟到唔知係咪冇走到果d 青、豆…..之類嘅嘢，個男人一路食一路響碟飯度係咁撩，係咁摷，俾果個女人發現到佢就同個男人講咦乜我冇寫咩，我好似有寫個喎，仲即刻走入去check 單，出返嚟就同個男人講係喎唔記得咗添，唔好意思呀，然之後有個師傅咁啱行咗出嚟，聽到之後就當住個男人面問冼唔冼炒過碟俾佢，個女人就同個師傅打眼色，然後笑笑口就同空氣講唔使啦，佢係熟客呀嘛係我唔記得寫啫，下次一定記住😤真係厚面皮到一個點好掂👍，呢啲係乜嘢處理態度？自己落漏嘢唔搞返掂佢反而仲喺度恃熟賣熟詐詐諦唔換，為咩啫？可能就係想慳返唔使炒過另外一碟比人呱，都要成本㗎嘛🙄又可能係我諗多咗，個女人出於好意，唔換係唔想個男人再等，一陣𢰸到人哋返工遲到就唔好啦🤔又之不過，人哋個客都冇出聲，我呢啲坐響隔離枱唔關事嘅人，睇到聽到，純粹看在眼裏姐。眼見周圍都咁靜，好心就做好d 野，𢰸乾淨d 地方，比多d 心機煮野，上心d 跟單啦。有咩野出錯就要認真處理下，唔係吓吓都諗住自己會有啲乜蝕底咗，是是但但唔理就算㗎，咁做生意，d 客點會有返頭吖！有時個塲靜唔好生意，都要檢討吓咩問題先得㗎，淨係響度嗌冇生意自己都唔反省一下，怪得邊個啫，明就明，完。…查看更多

講起呢間茶記，真係明點解香港飲食業難做！我哋居然去咗，係三次都伏！你問點解仲去？咪就係唔信邪囉！首先，等餐等到天荒地老。我心諗：可能即叫即煮，質素有保證吖嘛？唉，原來我太天真。最經典係個海南雞飯：零醬汁！ 真係一啲都冇！問伙記，佢反問：「你想要咩醬？」我哋：「跟咩醬咪咩醬囉。」佢：「豉油？」我哋：「...求其俾啲啦唔該！」(成個市場都知海南雞飯跟咩醬㗎下話？)「油飯」奇觀：我哋特登叫「油飯」，嚟到碗白雪雪嘅白飯！問伙記：「呢個係油飯？我哋叫油飯喎。」個伙記自己都要擘大眼睇真啲，拎走咗，轉頭捧返同一碗飯返嚟話：「係油飯嚟㗎，啲油淋咗喺面咋！」(各位觀眾，請評論呢個神回覆！)間舖有位好friendly嘅女士（似經理/老闆娘）週圍巡，但明顯控唔住班伙記。隔離枱叫肉餅飯，嚟錯咗！伙記又係「睇兩睇」，拎走再捧返同一碟出嚟話：「我哋係咁整㗎！」老闆娘聽到走過嚟，一睇就知唔對路，但佢笑騎騎同客講：「俾錯咗你啫，因為你係熟客嘛！」出品求其過求其，伙記hea做扮晒嘢，管理混亂仲要死撐。你問我會唔會去第四次？我諗...會嘅！支持香港經濟 ,有冇人想聽第四集？哈哈哈！…查看更多

最近我來到銅鑼灣的冰室-喜喜，因為朋友要吸煙，所以揀左呢間，有室外可以坐 。我地一人一碗 新出嘅「🦞龍蝦餐蛋出前一丁」唔包野飲$138，再叫多奶茶$25 。龍蝦餐蛋出前一丁 真係大癲，未試過咁奢侈龍蝦配公仔麵🤣🤣 但係有一個弊病就係刷完個龍蝦啲面會腍晒，所以我建議要同侍應講話硬面，都拆完個龍蝦個都就應該啱啱好🤣講真，嗌個餐蛋麵都60幾，挨個牛面都好似70幾80咁，相對地叫個龍蝦好似感覺抵啲，始終唔係到到有，同埋打卡都型啲🤣🤣🤣然後最估唔到嘅係，我喺度撞到任達華拍攝！！！侍應哥哥仲好Nice幫我問華哥可唔可以影合照，即刻成個麵抵晒🥹🥹🥹…查看更多

冇諗過可以咁難食！好幾年冇幫襯喜喜冰室，搬咗去一個很隱蔽嘅位置，諗住去試試，結果十分後悔！去到只有兩三台客，叫咗個鮮茄焗牛脷飯等咗30分鐘嚟到個飯只係暖，最差係個汁過酸仲落咗青椒黃椒同洋蔥，不知所謂！ 這個係我食過最難食嘅鮮茄焗牛脷飯，服務差，落咗單冇耐個飯都未到收銀員催我埋單，枱面啲刀叉十分污糟揀嚟揀去隻隻差同都都有污漬！不推介以後都唔會去！全港最差有可能就係呢間茶餐廳 ！食物非常難食慶幸冇肚痛 😤😤…查看更多

銅鑼灣早餐選擇不多，去完維園不二之選係《喜喜冰室》，大約$4 x一個餐絕對超值，而且坐得舒服，呢間仲有室外座位，方便煲煙一族。🥢早餐B $46⭐️⭐️⭐️（豬扒煎蛋公仔麵+脆香扒多士+熱華田）兩個餐嘅多士都好好味，非一般牛油多士，呢塊似蒜香味，豬扒味道唔錯又夠腍，至於公仔麵就完全唔掂，預咗係大光麵，但煮得唔夠腍兼且湯底無乜味，扣分！🥢囍茶餐 $65⭐️⭐️⭐️（火腿炒蛋+芝士牛油扒多士+叉燒意粉+熱阿華田）火腿炒蛋加蔥好正，蛋夠香夠滑，牛油多士加芝士好邪惡但勁好味，叉燒又乾又柴好難食，意粉爽口彈牙唔錯，下次睇吓有冇得揀半肥瘦叉先。。。二人共消費：$111…查看更多

幾年前的喜喜冰室是非常有名氣的網紅店，每次經過都可以看到很多遊客在店外打卡。這種風氣近幾年比較少見，今天來探店，終於知道原因所在。店面是很不錯的，有足夠的道具而且裝修風格是九十年代香港，挺有情懷的。餐廳也在播90年代很有名的歌曲，環境可謂一流！午餐選擇挺多的，價錢算是中價位。食物質素非常一般。首先餐包沒有烘熱，沒有附送牛油，直接吃有點乾硬。咖哩飯不好吃。。。醬汁非常濃稠，可以看得出用了很多茨汁。。而味道並不泰式也不港式，只是有點辣的咖哩味而已。幸好雞塊蠻大的也不算嫩滑，整體只能是勉強合格。。這個價位銅鑼灣還有蠻多選擇，試了一次便足夠了。…查看更多

唸住耐無食喜喜，過嚟食下。進店後發現似係轉左手，價錢上都調整左，之後叫左個假日套餐同雜扒餐。之後上個湯，平平無奇既羅宋湯。之後有2塊多士係跟餐既，正常水準。叫左個青咖哩豬扒，咖哩汁好似開水咁，好稀，無乜咖哩味。野食溫度唔係話好熱！雜扒餐等左半個鐘，落單時職員無話要等咁耐，無比紙巾你預備倒汁，當你自己倒個陣真係彈到周圍都係。d扒又薄又細，似雜肉多過扒。以前雜扒餐係飽到食唔晒，而家收$158但比d肉就當係扒！…查看更多

$226 茶餐廳兩個餐唔覺得好平，expect 會有少少服務但係：1. 三十幾度冷氣好唔夠2. 叫左個意粉半粒鐘都未到3.問職員咩都叫你自己睇餐牌，唔會答4. 落單唔會幫你，咩都叫你自己QR code 搞掂5. 但係去攞個碗又比人話你要叫職員唔可以自己攞餐具6. 可能有台係貴客，個staff 淨係同佢哋吹水唔駛做，唔駛招呼大家 總結：消費懷緬香江歲月，但一定要用QR code 落單，我個人覺得有D矛盾。$226 兩個人食個茶餐廳仲要受氣。真係冇下次。完。。。。。。。。。。。。。。。。。。。。。。…查看更多

📍 喜喜冰室 銅鑼灣餐廳環境幾特別 裝修走懷舊香港風🎞️ 🇭🇰店內有幾個車廂卡位🚌好似坐上車食飯一樣🤣店員非常友善🥰 得閒會行過嚟閒聊💭整體上菜速度亦都超快👏🏻 🕯️型男餐🧑🏻 (HK$62)•勁蔥火腿炒蛋🍳•芝士牛油扒多士🧈🥪•蕃茄牛腩濃湯通粉🍅•茶走💛不過不失🤚🏻 不過幾鍾意佢用上羅宋湯煮湯😍 微微帶有牛尾味(>^ω^<) 豐富午餐茶走要推一推❤️‍🔥茶香奶濃 要即到即飲！！🕯️雞批浮台🥧(HK$48)喜喜冰室自創菜式 - 雞批菠菜蓉湯🥬將菠菜打至幼滑綿綿（*＾3＾） 味道帶點微酸 中和雞批脆皮的甜度🫶🏻而且雞肉餡料十足🥰🕯️常餐 (HK$59)•火腿炒蛋🍳•芝士牛油扒多士🧈🥪•叉燒湯意粉•唂咕🍫🔓 喜喜冰室 銅鑼灣Address: 銅鑼灣百德新街57號Fashion Walk地下C&D號舖營業時間: 07:30-21:45Booking☎️: +852 2868 0363…查看更多

這是一間懷舊冰室，有香港情懷，食品完全是香港老風味，由其是中式牛柳，炸子雞，卦門柳，食過返尋味，大家有緣去香港玩都要試試，店舖入面還有記載著香港六，七十年代物品，店內還可以拍照打卡留念…查看更多

假日去了工展會順便食埋晚飯，諗唔到食咩之下又想食茶記，即想起喜喜，差唔多成十年冇去，既然係果頭就照去食。實在太耐冇去，原來搬左同裝修左，假日8:00去到唔太多人。餐廳面積頗大，設有露天位置，裝潢甚有懷舊之感，餐廳擺放了不少懷舊物品，最搶眼係個小巴卡位設計，實在太正忍唔住打卡。餐牌，本身想來食沙嗲牛之類，但當日晚餐時間冇，只好食其他，好彩雞批浮台仲有，因為主要想食返呢個，見個阿姐好有誠意推介個喜喜聖誕大餐，諗唔到食咩之下就一試了。雞批浮台~雞批菠菜蓉湯，$48，太耐冇食，唔係好記得個味，但印象上個湯係唔同左既，以前好似係青豆忌廉湯，而加係菠菜蓉湯，反而好味得多，菠菜蓉湯口感杰身菠菜味濃不俗，雞批口感酥脆，餡料十足又香口幾好味呢。鐵板餐的餐湯，可以揀中湯，配牛油餐包。黑毛豬鐵板餐配薯菜及蒜蓉汁，$138，黑毛豬，梳打粉肉，口感太軟腍冇乜味，伏。喜喜聖誕大餐，$238:熱奶茶，正常水準。芒果大蝦沙律，芒果甜中蝦爽口，配料仲有沙律菜、青瓜、蘿蔔及紅腰豆等，味道清新。周打魚湯，好大碗又足料。芝士焗龍蝦半隻及配鑊仔牛柳，份量少，芝士焗龍蝦，芝士味道唔夠濃，龍蝦又冇乜肉唔夠鮮味，牛柳都係細碟，口感太軟肉味太淡，一般。美式蘋果批配雪糕，蘋果批微熱，口感酥脆，內餡有蘋果香味及肉桂味，配上雪糕伴食幾好味。食物上扒餐真係唔洗諗，雞批及蘋果批都好食，環境取勝有特色，坐得舒適，服務都幾好，價格合理，下次有機食茶餐呢。…查看更多

好鍾意黎喜喜食早餐平時沙爹牛麵個汁好濃牛肉好淋個麵好彈牙今日啲牛肉硬左啲件多士搽滿牛油好香好好食又有桂林辣椒油野飲又夠大杯服務都好好好鍾意佢地好細心比隻高身杯客人洗餐具同埋如果冇人等位唔會趕客走👍🏼…查看更多

對於有小朋友嘅家庭嚟講，呢度嘅賣點絕對係門口堆單車！小朋友食之前又玩，食飽又玩，仲可以用「食晒就可以去玩」引佢哋食快啲😅食物方面，今晚得鐵板餐同是日晚餐，鐵板豬好食，夠淋、有脂肪，倒汁落去嗰吓係童年回憶；牛扒較硬，但好大塊，算抵食嘅；加錢有幾隻芝士焗青口，幾肥美。整體味道、價錢都合理。…查看更多

鮮茄牛舌焗飯粉量ok, 材料感覺幾fresh有青椒，洋蔥，磨菇，蕃茄，個人口味有埋菠蘿就好，服務幾好，我問有冇得加錢加菠蘿芝士，佢都試下有冇，冇即刻拒絕(冇得加)。個飯似煮熟後再焗幾分鐘，定似微波咁，溫度10分只有5-6分，唔似焗飯，飯身有汁微濕，唔乾身，味道不錯，但蕃茄醬少冇乜蕃茄味，中。牛舌不錯，厚身，份量多，肉質似新鮮牛舌。 慢煮厚切黑毛豬配焦糖蘋果醬對慢煮唔熟悉，只可以講，肉身微暖微嫩，味道可以，外表肉慢煮後，飛個油或煎一煎，有香草調味，整體味道似佢炸脾嘅醃料味道，好一般，對我黎講係唔好食，配焦糖蘋果都唔係我杯茶。薯角脆但係凍嘅。其他配菜正常。份量可以，感覺價錢比黑毛豬嘅質素略高唔會想再食嘅菜式黑牛$38黎講算可以，雪糕似Häagen-Dazs,食到朱古力碎。成罐可樂俾你自己斟凍奶菜正常，冇乜茶味…查看更多