影片
更多
2023-10-26
233 瀏覽
冇諗到第一次食呢間台灣餐廳就要俾負評🤨上星期晏就同事推介食呢間台灣菜, 一早知道新開張實大排長龍, 於是我哋就用佢嘅外帶掃碼用餐QR code先行點餐~成功點餐後, 亦有顯示訂單編號俾我哋~結果.....係我哋去餐廳俾錢嘅途中, 訂單被取消,沒有任何原因架, 就係被取消了😑😑😑我哋行到餐廳門口, 都等咗好耐先見到個職員係廚房度行出黎, 問佢點解會取消我哋訂單, 佢解釋太早落單, 有時限會自動取消~~~😵😵😵Whatttttt 佢仲話個QR code係建議客人係正佢門口先好落單, 落完單就可以入去俾錢喎...即係咁, 我黎到門口使鬼嘟個QR code落單,我直接入去餐廳落單咪得~ 再者, 我哋落完單你個Apps都冇寫有時限要幾多分鐘內俾錢...😑最後, 咁岩有客人離開, 我哋就轉咗做堂食啦~我哋嗌咗脆雞湯麵, 滷香雞球便當, 2個豬頸肉湯麵~ 落完單後, 職員都print咗出單出黎以表示成功下單~隔咗冇耐, 脆雞湯麵同滷香雞球飯好快黎到, 而豬頸肉湯麵係等到花兒凋謝了都未黎到~ 足足坐咗係度30分鐘, 碗麵都未黎到!!!!!😑😑😑我哋問職員, 職員竟然話冇豬頸肉, 仲問我哋點解落到單??
上星期晏就同事推介食呢間台灣菜, 一早知道新開張實大排長龍, 於是我哋就用佢嘅外帶掃碼用餐QR code先行點餐~
成功點餐後, 亦有顯示訂單編號俾我哋~
結果.....係我哋去餐廳俾錢嘅途中, 訂單被取消,沒有任何原因架, 就係被取消了😑😑😑
我哋行到餐廳門口, 都等咗好耐先見到個職員係廚房度行出黎, 問佢點解會取消我哋訂單, 佢解釋太早落單, 有時限會自動取消~~~
😵😵😵Whatttttt
佢仲話個QR code係建議客人係正佢門口先好落單, 落完單就可以入去俾錢喎...
即係咁, 我黎到門口使鬼嘟個QR code落單,我直接入去餐廳落單咪得~ 再者, 我哋落完單你個Apps都冇寫有時限要幾多分鐘內俾錢...😑
最後, 咁岩有客人離開, 我哋就轉咗做堂食啦~
我哋嗌咗脆雞湯麵, 滷香雞球便當, 2個豬頸肉湯麵~ 落完單後, 職員都print咗出單出黎以表示成功下單~
隔咗冇耐, 脆雞湯麵同滷香雞球飯好快黎到, 而豬頸肉湯麵係等到花兒凋謝了都未黎到~ 足足坐咗係度30分鐘, 碗麵都未黎到!!!!!😑😑😑
我哋問職員, 職員竟然話冇豬頸肉, 仲問我哋點解落到單???
我都想知點解你冇豬頸肉, 你又點樣出到單俾我哋???
完全浪費時間, 浪費光陰, 個肚係餓到唔知講咩好......
結果最後問佢有咩, 佢就推薦豬軟骨, 之後我哋發現根本就唔係淨係得豬軟骨嘅, 佢真係唔貴都唔推介俾我哋😑
而同事亦話唔覺豬軟骨好味, 得個甜字....
真心想講, 未ready好就唔好又接堂食又接外賣單啦, 呢一小時見盡呢間餐廳勁多甩漏
- 樓面職員得一個, 完全做唔掂
- 啲人排哂隊係門口, 但因為職員冇時間執枱所以唔可以俾佢哋入黎食住, 親眼見到有人等到走人
- 餐廳入面客人唔check單係唔會知道職員搞錯哂啲餐, 落錯單
- 有得免費飲野, 但餐廳話冇哂字杯, 採購都未搞得掂
- 套餐飲品係你食完個飯先送到黎, 所以個個都拎住杯野飲走
仲有太多, 但唔由我哋去比意見, 希望呢間分店自己搞搞佢~ 食物還好但冇服務, 叫人點黎第二次呢?
張貼
