八幡屋涮涮鍋

營業中

休息中

今晚我同朋友終於完成咗嘅工作，心血來潮想食火鍋。就上社交平台搵咗吓，發現有好多人讚好「八幡屋涮涮鍋」喺旺角，決定行過去試吓。呢間餐廳位於地鐵站旁邊，非常方便。一入到店，先款待我哋嘅就係質素一流嘅刺身拼盤:三文魚、帶子，甜蝦、希靈魚、螺肉、八爪魚同鮑片。 基本上呢一度所有嘅刺身都非常之新鮮，本身我自己其實好少何佩喺火鍋店食刺身，因為硬係覺得唔係特別新鮮，所以有啲擔心，但係呢一間餐廳完全打消咗呢個念頭，原來任食火鍋店嘅刺身都可以好好食同埋好新鮮嘅!!主打火鍋系列，我哋嗌咗晚餐嘅240分鐘「D4套餐火鍋之盛宴」。湯底選咗麻辣湯，真係過癮。除此之外，佢哋嘅日本A4黑毛和牛肉質絕佳。鮮嫩之極。 鍾意食牛肉嘅呢一個絕對係非常之推。!! 絕對係回本嘅好選擇，可以無限咁食牛肉真係好爽，我記得之前喺日本食都冇得咁誇張，呢一碟牛肉如果係自己買返屋企食嘅話都唔平，呢一間餐廳竟然可以做到任食，真係食到夠晒皮!!而且唔止如此，呢度仲有新鮮嘅龍蝦供揀。佢嘅龍蝦真係鍾意到爆！ 仲有唔同嘅醬汁可以點，如果鍾意食龍蝦嘅，都可以專誠過嚟試吓，一定唔會失望!而且，「八幡屋涮涮鍋」嘅品質之好，價錢又公道，實在值得推薦俾朋友。