影片
更多
2019-10-27
37 瀏覽
餐廳店員係外國人，普遍講英文，非常友好，但偶爾講句廣東話好親切，哈哈！今日人比較多，被安排坐高枱，晚點來已經需要排隊入座。店內播放住輕快嘅音樂，配合昏暗嘅燈光，好有感覺。呢隻咁特別嘅尖叫雞同玻璃酒杯齊齊掛係bar枱酒架上面，玩味十足，裝修好特別。雞翼 - 黑椒檸檬味叫咗一款味道，6隻，黑椒檸檬味。雞翼係即叫即整，上枱果陣係熱辣辣。雞翼香脆，雞肉係嫩滑，食落唔算油膩，可能因為配合黑椒檸檬味，感覺清新，香之餘帶點幾分酸，食落好開胃，好食！越式手撕雞翼蒸包上枱時已覺外型非常特別，個包非常軟熟，個人覺得有點似台灣刈包，裡面就係手撕雞翼同醃蘿蔔絲，再加上特製醬料，有少少辣幾惹味，有創意，絕對值得一試。火燒牛油果賣相非常吸引，牛油果嘅外層被火槍燒過嘅感覺，入口幼滑，煙燻味且帶點少鹹。而且另外仲配有醬汁，酸得來帶點辣味，味道都幾特別。Passionfruit Lemonade聽講熱情果有極高營養和養生價值，配合檸檬水，酸酸地，感覺更加健康，而熱情果果粒好豐富，份量也不少。如果身邊有雞翼控朋友，一定要推薦佢黎呢間餐廳！
店內播放住輕快嘅音樂，配合昏暗嘅燈光，好有感覺。呢隻咁特別嘅尖叫雞同玻璃酒杯齊齊掛係bar枱酒架上面，玩味十足，裝修好特別。
雞翼 - 黑椒檸檬味
叫咗一款味道，6隻，黑椒檸檬味。雞翼係即叫即整，上枱果陣係熱辣辣。雞翼香脆，雞肉係嫩滑，食落唔算油膩，可能因為配合黑椒檸檬味，感覺清新，香之餘帶點幾分酸，食落好開胃，好食！
越式手撕雞翼蒸包
上枱時已覺外型非常特別，個包非常軟熟，個人覺得有點似台灣刈包，裡面就係手撕雞翼同醃蘿蔔絲，再加上特製醬料，有少少辣幾惹味，有創意，絕對值得一試。
火燒牛油果
賣相非常吸引，牛油果嘅外層被火槍燒過嘅感覺，入口幼滑，煙燻味且帶點少鹹。而且另外仲配有醬汁，酸得來帶點辣味，味道都幾特別。
Passionfruit Lemonade
聽講熱情果有極高營養和養生價值，配合檸檬水，酸酸地，感覺更加健康，而熱情果果粒好豐富，份量也不少。
如果身邊有雞翼控朋友，一定要推薦佢黎呢間餐廳！
張貼
