太陽軒飯店

營業中

休息中

去到佐敦美食區，要品嚐真正嘅美食，當然唔係去水平一般嘅豉油牛扒餐廳，要食就要食最好! 潮州美食可謂中菜之中嘅極致，而呢間太陽軒就絕對唔令我失望。既然話要食最好，一開場當然就食最矜貴嘅紅燒潮州翅，一上枱時香味濃郁，已經足夠令人垂涎。用筷子一夾，即可夾到份量極多嘅排翅，絕對無偷工減料。加上黑醋調味，更可發揮當中香味，濃郁嘅上湯、金華火腿等材料，配上粗身而彈牙嘅排翅，可謂潮菜中嘅經典。接著另一經典係蠔仔粥，蠔仔嘅份量都唔少，而且每隻蠔仔脤卜卜，都已經值回票價，而且仲加上豬肉碎，大量米粥，以及濃郁嘅湯去烹調，絕對有令人飽足嘅感覺!