潮藝館

營業中

休息中

現在其實少咗四圍走，所以出街食飯都比較揀擇，唔好都免得去。朋友介紹呢間潮藝館，以為新派，原來味道傳統，啱食！識食的就要食獅頭鵝，獅頭鵝件一客 $298，一分錢一分貨，肉質肥美，皮香肉滑，滷水亦都好，味道香濃，味道調得唔錯，很入味。我始終都喜歡食傳統嘢，潮式炸粿肉配上潮式經典甜醬，甜甜地減咗潮州粿的油炸膩，甜甜地亦令味道更討好。蠔仔粥，呢度叫濃湯蠔仔肉碎泡飯，應該是個湯底唔同，個湯幾好很有肉味，蠔仔幾肥美，飽肚的最佳選擇。點了一個炒時菜，送上雞油豆苗，炒得很好，菜苗嫩滑，同時有酒香。