影片
更多
2022-05-03
599 瀏覽
難得疫情緩和，社交距離措施得以寬鬆，當然係同家人食一餐美酒佳餚。而私房菜，人流比正常餐廳少，加上好耐都冇食潮洲菜。所以就揀咗食潮味居。上前菜之前，老闆娘就比咗功夫茶同小食我地提一提神先，賣相都十分精緻。前菜係一道三拼嘅潮洲小吃，分別係香煎牙帶魚、吊筒同家鄉千層肉。牙帶魚煎得十分酥脆，外脆內軟，調味恰當。凍食嘅吊筒同千層肉亦炮製得怡，好彈牙。到主菜之一，一口鮑魚拼鹵水鵝片。鵝片肥瘦適中，加上鹵得入味，必定要連皮一齊食先食到肥瘦均勻嘅口感，而鮑魚入口彈牙，味道甜甜的，好有趣。之後就嚟咗潮州紅燒花膠魚翅，芡汁做得超黏稠，同魚翅和花膠融為一體，所以好多人都話潮州的紅燒翅是最好吃食完紅燒翅之後，老闆娘幫我地收拾完，就上咗蘿蔔灌漿拼手打蟹餅配甜豉油同柑桔柚。蘿蔔灌漿外圍都煎得超脆，但入面嘅蘿蔔好淋而且唔會一種生澀味，調味非常好。而手打蟹餅配柑桔柚非常夾，同埋超彈牙。差唔多去到尾聲，老闆娘就上咗古法鹹菜筍殼魚，筍殼魚肉通常好厚，但老闆整到好嫩滑，而且鹹菜味道同筍殼魚好夾，真正大魚大肉。之後就上咗家鄉普寧豆醬焗鮮雞，味道超香，個煲熱辣辣令個醬嘅味超香噴噴。而且個雞肉好嫩口。最後一道主菜就係潮州方魚生炒
上前菜之前，老闆娘就比咗功夫茶同小食我地提一提神先，賣相都十分精緻。
前菜係一道三拼嘅潮洲小吃，分別係香煎牙帶魚、吊筒同家鄉千層肉。牙帶魚煎得十分酥脆，外脆內軟，調味恰當。凍食嘅吊筒同千層肉亦炮製得怡，好彈牙。
到主菜之一，一口鮑魚拼鹵水鵝片。鵝片肥瘦適中，加上鹵得入味，必定要連皮一齊食先食到肥瘦均勻嘅口感，而鮑魚入口彈牙，味道甜甜的，好有趣。
之後就嚟咗潮州紅燒花膠魚翅，芡汁做得超黏稠，同魚翅和花膠融為一體，所以好多人都話潮州的紅燒翅是最好吃
食完紅燒翅之後，老闆娘幫我地收拾完，就上咗蘿蔔灌漿拼手打蟹餅配甜豉油同柑桔柚。蘿蔔灌漿外圍都煎得超脆，但入面嘅蘿蔔好淋而且唔會一種生澀味，調味非常好。而手打蟹餅配柑桔柚非常夾，同埋超彈牙。
差唔多去到尾聲，老闆娘就上咗古法鹹菜筍殼魚，筍殼魚肉通常好厚，但老闆整到好嫩滑，而且鹹菜味道同筍殼魚好夾，真正大魚大肉。
之後就上咗家鄉普寧豆醬焗鮮雞，味道超香，個煲熱辣辣令個醬嘅味超香噴噴。而且個雞肉好嫩口。
最後一道主菜就係潮州方魚生炒芥蘭，老闆炒到芥蘭好脆嫩而且食落無渣，加上大地魚淡淡嘅魚香，加埋一齊啱啱好。
到咗飯後菜，就有潮州乾燒雙面黃，兩面都煎得好脆而入面啲麵就彈牙，加上白糖同老醋，食完咁多道餸之後可以無咁濟。
最後嘅最後就係潮州香蔥反沙芋同冰凍提子，最後老闆有出嚟同我哋傾計，話今日嘅沙芋唔靚會回水，炒唔出沙粒感，但糖衣非常薄脆均勻。而且提子雪得啱啱好，唔會出水變淋，超脆口。
張貼
