晟源粉麵

營業中

休息中

見到個名咁刁鑽於是決定去試下，叫了雲吞米、淨魚皮餃、牛丸墨魚丸雙拼同牛餅。樣樣都好食，不過最好食係魚皮餃，餡料鮮味，佢連個餃皮都好好味，唔係普通皮，而應該係加入調味的皮，所以食落就係同平時食到嗰D唔同。牛餅都好食，問了老闆娘，原來係同牛丸的材料用法一樣，只係切開了一半，但係唔知點解，總係覺得牛餅好味D。牛丸同墨魚丸兩樣都好食，不過同牛餅比較，都係覺得牛餅好食D。雲吞米的雲吞好食，餡料新鮮，不過如果第一次幫襯應該試佢D潮汕特色丸及餃。