影片
更多
2020-07-18
734 瀏覽
深水埗區比較雜，而且今日天雨濕濕真不想逗留在街道上呢，所以在附近辦完工務後，我就趕緊衝進商場醫肚了！聽聞西九龍中心內有一檔好出名嘅空姐牛肉飯，聞名不如見面，既然一場來到，我當然唔執輸去撞下「空姐」啦！Food court內人頭湧湧，熙來攘往，肩摩轂擊，周圍都迫滿了食客。食檔嘅種類繁多，有私房菜、雙拼飯、台灣菜、日本菜、川菜、西餐、東南亞菜、快餐、甜品、雪糕，等等...... 真係琳琅滿目，令人目不暇給，一時之間決定唔到食咩好！終於搵到空姐牛肉飯，空姐就冇喇，阿嬸就有一個，真係空歡喜一場，當堂倒胃。🤢 本來見到周圍食客食剩嘅餐盤冇人收，food court衛生情況欠佳，已經冇乜胃口，而家見到牛肉飯都食唔落了。巡視咗food court兩個圈後，我決定揀正正位於空姐牛肉飯隔離嘅一檔好細間嘅拉麵店，原因係我留意到呢間舖係全food court最新淨的。而且我觀察咗一轉店員整拉麵嘅情況，覺得幾衛生，所以加大咗我幫襯佢嘅信心。得一個店員一腳踢收錢煮麵，所以要等10分鐘先到我。不過我唔介意，我寧願佢慢慢整，都唔好貪快污污糟糟。在等嘅10分鐘期間，我去咗買野飲，一返到來就有得食啦！果然冇令我失望！雖
聽聞西九龍中心內有一檔好出名嘅空姐牛肉飯，聞名不如見面，既然一場來到，我當然唔執輸去撞下「空姐」啦！
Food court內人頭湧湧，熙來攘往，肩摩轂擊，周圍都迫滿了食客。食檔嘅種類繁多，有私房菜、雙拼飯、台灣菜、日本菜、川菜、西餐、東南亞菜、快餐、甜品、雪糕，等等...... 真係琳琅滿目，令人目不暇給，一時之間決定唔到食咩好！
終於搵到空姐牛肉飯，空姐就冇喇，阿嬸就有一個，真係空歡喜一場，當堂倒胃。🤢 本來見到周圍食客食剩嘅餐盤冇人收，food court衛生情況欠佳，已經冇乜胃口，而家見到牛肉飯都食唔落了。
巡視咗food court兩個圈後，我決定揀正正位於空姐牛肉飯隔離嘅一檔好細間嘅拉麵店，原因係我留意到呢間舖係全food court最新淨的。而且我觀察咗一轉店員整拉麵嘅情況，覺得幾衛生，所以加大咗我幫襯佢嘅信心。
得一個店員一腳踢收錢煮麵，所以要等10分鐘先到我。不過我唔介意，我寧願佢慢慢整，都唔好貪快污污糟糟。
在等嘅10分鐘期間，我去咗買野飲，一返到來就有得食啦！果然冇令我失望！雖然只係用好簡陋嘅外賣紙碗盛著，但簡潔整齊，睇到佢塊紫菜想扮拉麵店咁豎起來向著客人方向，就feel到佢係有用心認真製作！
自家製鹽酥雞配地獄湯底拉麵
$48
30 瀏覽
0 讚好
0 留言
自家製鹽酥雞配地獄湯底拉麵店($48)
拉麵：湯底係即食麵湯底嘅level。地獄湯底(+$2)得層辣油冇乜香味，不過都夠辣。麵條浸烚時間適中，夠爽滑。配料有粟米、黑木耳絲、青蔥、紫菜，基本齊份量適中。
自家製鹽酥雞：應該係用咗雞腿肉，醃得好夠入味，甚至我覺得醃得過咗龍。粉漿炸出來嘅火侯合格。鹽酥雞嘅靈魂係表面嘅調味粉，略嫌過鹹而且香味不足，建議要加多少少五香粉作調配，甚至如果有得俾人揀辣粉就仲正！
去取餐嘅時候個店員喺廚房好忙咁煮緊野，佢見我來取餐，都不忘向我道謝。雖然性價比和食物味道不及連鎖店嘅水準，但食物唔貴，而且惠顧小店就是讓人有這種窩心、受認真對待嘅感覺。
#支持小店
張貼
