影片
更多
2023-01-16
209 瀏覽
📌 Lúa - 銅鑼灣東角道26號怡安大廈1樓13-15號舖及地下13-16號舖🗓(15/1) 星期日 ⏰ 晚上6點左右 💈特式：呢間餐廳外內裝修佈置都好驚艷，行過佢間店時眼球已經比佢地嘅鮮紅色門面同彩色嘅燈籠吸引住，餐廳係主打越南菜，等我試下佢地嘅越南風情先。🥩🍔🌭🌮🥗🥯🥘🍲🍝🍣🥟🍤🍱食物：見佢d食物都幾有特式，而且賣相都好靚，今日叫左佢2個推介撈檬同3個小食，等我同大家講下🇻🇳味道先。潘切直送小墨魚春撈檬 - 首先份量都唔少，有4~5隻小墨魚，小墨魚鮮味可口，再配埋枱面d醬料去撈嚟食，仲更加好味。黃薑雞胸茴香葉撈檬 - 佢配左個黃薑汁，食落有少少似咖哩，有好香椰奶味，仲有好多花生碎，夾埋一齊食幾有口感。自家製豬肉丸湯 - d豬肉丸食得出係餐廳自家製，唔會好似出面街買個d死實實，個湯亦都好好飲，應該係用大量牛/豬骨去熬出嚟，仲飲得出有香茅等配料。落葉菜牛肉卷 - 呢個菜卷賣相好靚，一口一件，再配埋佢附帶個醬汁一齊食，味道層次更上一層。酸甜蒜香茄子粒 - 呢個茄子有少少中越式mix嘅感覺，個茄子肉身夠淋，但d皮仍做到煙煙靭靭咁，個味道就酸酸甜甜帶微微辣味，食到停唔到口嘅感覺。☕️🍵
🗓(15/1) 星期日 ⏰ 晚上6點左右
💈特式：呢間餐廳外內裝修佈置都好驚艷，行過佢間店時眼球已經比佢地嘅鮮紅色門面同彩色嘅燈籠吸引住，餐廳係主打越南菜，等我試下佢地嘅越南風情先。
🥩🍔🌭🌮🥗🥯🥘🍲🍝🍣🥟🍤🍱
食物：見佢d食物都幾有特式，而且賣相都好靚，今日叫左佢2個推介撈檬同3個小食，等我同大家講下🇻🇳味道先。
潘切直送小墨魚春撈檬 - 首先份量都唔少，有4~5隻小墨魚，小墨魚鮮味可口，再配埋枱面d醬料去撈嚟食，仲更加好味。
黃薑雞胸茴香葉撈檬 - 佢配左個黃薑汁，食落有少少似咖哩，有好香椰奶味，仲有好多花生碎，夾埋一齊食幾有口感。
自家製豬肉丸湯 - d豬肉丸食得出係餐廳自家製，唔會好似出面街買個d死實實，個湯亦都好好飲，應該係用大量牛/豬骨去熬出嚟，仲飲得出有香茅等配料。
落葉菜牛肉卷 - 呢個菜卷賣相好靚，一口一件，再配埋佢附帶個醬汁一齊食，味道層次更上一層。
酸甜蒜香茄子粒 - 呢個茄子有少少中越式mix嘅感覺，個茄子肉身夠淋，但d皮仍做到煙煙靭靭咁，個味道就酸酸甜甜帶微微辣味，食到停唔到口嘅感覺。
☕️🍵🥤🧋🍺🍷🥃🍹🧉🍾🍶🥛
飲品 : 飲品見佢地都有唔少有特色嘅越南飲品，例如香茅薑檸茶/班蘭香茅咖啡/越南百份百甘蔗汁配鹹柑桔/越南百份百青芒果汁配天然蜂蜜，另外仲有幾款唔同嘅沙冰。
🍽環境：餐廳環境好有氣氛同情調，首先門面已經好靚，之後步入餐廳上樓梯，旁邊有個玻璃飾櫃，入面放左電單車擺設，樓上主用餐區佈置都好靚，戶外位仲有兩張枱可以望到街景，仲可以坐係d彩色燈籠下用餐，感覺好有feel。
🤵🏻🤵🏻♀️🤵🏻♂️服務：員工服務態度很好，由接待處員工到用餐區服務嘅員工都很有禮貌，又有笑容，亦會提醒客人戶外位置會比較涼同要小心走光，上菜速度亦好快，唔需要等好耐。
💰💸價錢：總數叫左5款食物，埋單大約$600，有高質嘅餐廳環境，加埋好嘅食物質素，價錢都係合理範圍之內。
🐲💬總結：好滿意今日用餐個環境，食物質素亦有返咁上下，如果有節日喜慶嚟呢度食飯應該都會幾有氣氛。
推薦指數：❤️❤️❤️❤️🤍
潘切直送小墨魚春撈檬
$168
18 瀏覽
0 讚好
0 留言
黃薑雞胸茴香葉撈檬
$119
18 瀏覽
0 讚好
0 留言
落葉菜牛肉卷
$82
15 瀏覽
0 讚好
0 留言
酸甜蒜香茄子粒
$148
16 瀏覽
0 讚好
0 留言
張貼
