更多
2022-07-19
537 瀏覽
因為近排對生酮有啲研究,出街搵食都會注意下,今次嚟呢間有賣生酮漢堡嘅店試下。全日早餐不嬲唔抵食,係食個環境,呢個都唔例外,味道一般。個夾餅係幾出色,但佢比漏左牛油我,個沙律又冇落油醋。另一個叫左個生酮200g牛肉漢堡,其實做得好唔錯,雖然呢個生酮包皮味道冇乜,可以做好啲,但佢個醬同牛肉好味。但係有個致命位係呢次令我對間餐廳失望,就係佢塊漢堡扒未焗熟,要知道雖然佢係牛肉,但唔係牛扒,牛肉唔熟會有病菌。而且紅色生嗰到仲要凍。佢之後同我焗返,但始終唔熟,仲要拆散過個包。最後個女服務員仲怪我冇同佢講全熟,但其實常識都知漢堡扒係要全熟啦,佢仲要同個客爭勝。總結雖然味道還可以,但希望佢下次問我要幾成熟,真係唔知佢「特色」係漢堡扒食生。
生酮全日早餐轉夾餅
41 瀏覽
0 讚好
0 留言
全日早餐不嬲唔抵食,係食個環境,呢個都唔例外,味道一般。個夾餅係幾出色,但佢比漏左牛油我,個沙律又冇落油醋。
200g牛肉
65 瀏覽
0 讚好
0 留言
佢之後同我焗返,但始終唔熟,仲要拆散過個包。最後個女服務員仲怪我冇同佢講全熟,但其實常識都知漢堡扒係要全熟啦,佢仲要同個客爭勝。
總結雖然味道還可以,但希望佢下次問我要幾成熟,真係唔知佢「特色」係漢堡扒食生。
張貼