影片
更多
2025-01-10
1351 瀏覽
平安夜幫朋友慶生，揀咗呢間打卡餐廳，本身以為得個靚字，食物份量同味道都會爭d，但意想不到味道不錯，而且二人餐份量都幾夠，嗌多杯酒，絕對夠三個人分享。小食拼盤正正常常，帶咗chiikawa 影相🤣後面杯點秋香桂花米酒都係正常發揮，冇咩特別。套餐入面有海龍王湯同蘑菇湯。海龍王湯嘅海鮮味係足夠的，入面有蝦、青口等海鮮，而蘑菇湯都好足料，兩款湯隔離都會配兩塊脆多士俾你配住食。帶子沙律個醬汁好特別，開胃得來帶啲微辣，加咗少少南瓜子同埋杏仁片增加果仁嘅香氣，而且擺盤都幾靚，有食用花點綴。和牛煎得非常粉嫩，熟度我揀咗medium，富有油脂香，辣椒粉鹽都好襯個牛。呢個烤雞估唔到肉質都幾嫩滑，雞皮都脆卜卜。但係個紅莓醬同個雞係完全唔襯，點翻頭先和牛個辣椒鹽仲好食，或者完全唔加醬汁都OK。而底下襯咗啲栗子蓉都幾特別，栗子蓉香甜又帶啲雞油香。桂花latte唔算好甜，但係就冇乜桂花味，但一杯咖啡嘅擺盤有埋朵花俾你，又有兩塊Lotus餅配，成件事就顯得好有誠意。朱古力樹頭蛋糕幾好食，唔會太甜。而個rose and cranberry mousse roll本身個聖誕餐入面係冇嘅，都幾甜下，不過幾靚。依個蝴蝶花花
鵝肝多士，煙三文魚玫瑰花，金餡魚塔
0 瀏覽
0 讚好
0 留言
小食拼盤正正常常，帶咗chiikawa 影相🤣後面杯點秋香桂花米酒都係正常發揮，冇咩特別。
海龍王湯
6 瀏覽
0 讚好
0 留言
套餐入面有海龍王湯同蘑菇湯。海龍王湯嘅海鮮味係足夠的，入面有蝦、青口等海鮮，而蘑菇湯都好足料，兩款湯隔離都會配兩塊脆多士俾你配住食。
香煎日本帶子沙律
10 瀏覽
0 讚好
0 留言
帶子沙律個醬汁好特別，開胃得來帶啲微辣，加咗少少南瓜子同埋杏仁片增加果仁嘅香氣，而且擺盤都幾靚，有食用花點綴。
A4和牛西冷（200g）配美國露筍，紫薯茸
20 瀏覽
0 讚好
0 留言
和牛煎得非常粉嫩，熟度我揀咗medium，富有油脂香，辣椒粉鹽都好襯個牛。
香草烤全雞釀粟子茸配金巴利子汁
36 瀏覽
0 讚好
0 留言
呢個烤雞估唔到肉質都幾嫩滑，雞皮都脆卜卜。但係個紅莓醬同個雞係完全唔襯，點翻頭先和牛個辣椒鹽仲好食，或者完全唔加醬汁都OK。而底下襯咗啲栗子蓉都幾特別，栗子蓉香甜又帶啲雞油香。
桂花latte唔算好甜，但係就冇乜桂花味，但一杯咖啡嘅擺盤有埋朵花俾你，又有兩塊Lotus餅配，成件事就顯得好有誠意。
朱古力樹頭蛋糕幾好食，唔會太甜。而個rose and cranberry mousse roll本身個聖誕餐入面係冇嘅，都幾甜下，不過幾靚。
依個蝴蝶花花燈牌係一坐低就會放喺隔離俾你打卡用，唔拎得走嘅。
慶祝生日嘅話，職員會推個車仔上面有個盒，個盒入面放住兩個款嘅皇冠俾你做公主戴住影相😆個盒仲會有生日歌播，I人社死現場🤣🤣🤣
值得一讚嘅係有位男職員超級好，幫我哋影合照嘅時候好細心清理好晒枱面，仲好認真幫我哋影。
餐廳門口有超級多花花，現場仲有花藝師幫你包埋，可以即場買花束，花束有分幾款size，價錢都唔貴。聖誕節嗰日仲有真嘅迷你聖誕樹買都幾精緻。
總括而言，依餐嘅體驗都好好，慶祝生日絕對係個好選擇😝🌸
張貼
