影片
以上資料只供參考, 請與餐廳確認詳情
有關餐廳
餐廳告示
「福祿生花」祈願花園下午茶全新上市
2025-03-28
Tomacado花廚 「福祿生花」祈願花園下午茶 全新上市
「Blessings in Bloom」Garden Afternoon Tea
🌺春意漸濃，繁花似錦。我們攜手天壇文化，傾情推出全新「福祿生花」祈願花園下午茶，讓您深深感受「美味美景伴佳人」之意境。
🍰下午茶的九款精緻甜點、兩款美味鹹點，各是滿載福氣的美味，有風味層次分明的「見福呈吉」紅桑子歌劇院小蛋糕、鹹香四溢的無花果桂花煙燻牛肉牛角包等。當中更有四款以吉祥之物為造型，如「祈年如願」朱古力慕絲，演繹出天壇祈年殿的華美；「紫薯醒獅糕」，讓醒獅驅邪而不失親切。
🍵與美食相映成趣的，是我們的精選茶飲——龍眼蜜牡丹花茶。由非遺洛陽牡丹花王精心炮製（特級），茶香馥郁，回甘悠長，平靜燥動的心靈。
💐用餐之時，更處處有精緻的器物與鮮花環繞。當您緩緩展開屏風式樣的菜單，一道道佳餚迎面而來，瞬即隔開煩囂的日常。空間滿佈精心安插的花朵，橙黃交織，耀眼的色彩化作如沐春風的生命力。
甫進Tomacado花廚，宛如踏進世外之境。一份優雅、一份福氣，相信是您現在所需。歡迎立即訂座，好好犒賞自己，稍作閑息。
「福祿生花」祈願花園下午茶
*每日限量供應，歡迎提前預訂
下午茶套餐（不含小花禮） HK$ 418/2位
下午茶+小花禮套餐 HK$ 488/2位
（另加10%服務收费）
詳情
有關獎賞計劃
相關文章
位於銅鑼灣的西式餐廳，以花為名，以夢為景。 某個值得慶祝的日子， 我們走進這間以粉白色鮮花編織的鮮花餐廳。 目光所及皆被繁花環繞，繡球、玫瑰、鬱金香還有滿天星， 彷彿置身童話世界，試問又有哪個女孩能抗拒這份浪漫？ ⋆_____繁花生日套餐 $1388______⋆ ✿ 花廚特色菌菇湯配法包✿ 花廚特色蜂蜜烤南瓜沙律✿ 麻辣田螺三款頭盤各顯特色。菌菇湯濃郁綿滑，配脆法包蘸湯超暖胃；蜂蜜烤南瓜沙律甜糯爽脆，健康之選；麻辣田螺上桌時煙霧繚繞，螺肉彈牙，麻辣滋味鮮明，佐酒一流。.✿ 玫瑰鹽烤鵝肝牛柳✿ 黑松露香草烤三黃雞配烤新薯主菜部分，玫瑰鹽烤鵝肝牛柳煮至五成熟，肉質柔嫩多汁，但肉味未算濃郁；搭配鵝肝和玫瑰鹽的提鮮，奢華又平衡。另一道主菜的三黃雞烤至雞皮酥脆，肉質鮮嫩不柴，黑松露香氣突出，搭配烤金黃烤新薯，雖簡單卻令人滿足！ .✿ ᴅʀɪɴᴋꜱ: iced blue butterfly soda┆rosa margarita✿ dessert: 玫瑰慕絲生日餅iced blue butterfly soda即指蝶豆花青檸梳打，賣相極吸睛！透藍色果漿倒入氣泡水後瞬間幻化成夢幻紫，酸甜清爽，打卡必點。另一杯的Rosa Margarita杯緣綴滿玫瑰鹽，輕啜一口，先嘗到鹽霜的微鹹，接著便是龍舌蘭的醇香與玫瑰的芳香，層次感十足。 最後的甜品會放在服務生推來滿載鮮花的手推車上，蛋糕宛如藝術品般靜臥花叢中，儀式感滿分。蛋糕的玫瑰香氣自然，夾層搭配莓果醬的微酸，甜而不膩。.✿ 特別送贈：繁花生日抱抱桶（價值$688）惠顧套餐即送贈繁花生日抱抱桶！輕按絨毛熊熊公仔，便會響起俏皮走音的生日歌(笑~，打開禮物盒後，氫氣球緩緩升起，露出精緻的繁花抱抱桶，更附上閃鑽皇冠供拍照留念呢。.整晚靚麗且夢幻，完美戳中少女心；又食又拎，的確是女孩子們會期待的一場夢幻約會飯局呢。
繼續閱讀
🇭🇰Tomacado 花廚·山野花間雙人套餐$1088呢間係我同事介紹嘅 佢話喺度慶祝勁有儀式感😂😂不過我哋今次就唔係食佢慶祝生日嗰個套餐 反而試左呢個山野花間套餐 估唔到都超多儀式感🥳🥳·吉祥•絲娃娃 l 富貴•花廚小食拼盤佢個吉祥絲娃娃都幾好食 佢係素菜版嘅片皮鴨咁樣 個汁好惹味🌶️之後寓意重要超好 包住啲蔬菜絲就等於包住啲財富 再淋嗰個汁就代表淋上幸福 成件事勁有儀式感💰前菜既麻辣田螺個田螺口感好爽脆🐚個炸豆腐丸子有少少好似炸豆腐咁 都正😈另外個吞拿魚都好新鮮😎·福圓•古法酸湯山珍菌菇鍋 l 黑松露香草烤三黃雞（半隻） l 如意•陳釀臘腸糯米飯之後佢個山珍菌菇鍋我哋超級鍾意😻佢係一個辣辣地好濃郁嘅蕃茄湯底 之後入邊有超多唔同種類嘅菇 全部都索曬湯 勁入味 而且質感好好🍄佢個三黃雞都好有驚喜 佢係超級嫩 好juicy 而且黑松露個份量好慷慨 所以勁入味🤪🤪之後佢個糯米飯臘腸同埋金華火腿份量都超多 而且有好多肉鬆 不過我個人就覺得佢呢個飯偏乾身少少 如果有啲煲仔飯豉油應該仲正😈😈·“荷塘月色”葡萄烏龍凍 l 藍蝴蝶 l 美滿•刺梨“茉力”泡泡茶佢個提子烏龍凍又係超級打卡🍇兩杯嘢飲我自己就鍾意藍蝴蝶多啲 佢係類似少少青檸梳打咁樣 倒落去會變色 勁夢幻🦋·#rbyeat#rby中菜 #rbycafe#rby銅鑼灣·📍銅鑼灣告士打道280號世貿中心2樓L2-06號舖
繼續閱讀
位於銅鑼灣嘅🌟Tomacado 花廚🌟，主打貴州菜⛰️！餐廳以🌸花為主題，佈置成一間靚靚嘅🌷花花Cafe☕ ，勁打卡📸！菜式出品係賣相同埋意頭兼備✨，慶生/紀念日嘅話仲可以幫忙安排花束🌷同埋驚喜🥳！🥖花開如意簽 Free上上大吉，繼續有食運！⛰️ 「山野花間」雙人套餐 $1,088🥢吉祥．絲娃娃有得剪彩嘅涼菜拼盤，色彩繽紛！自由組合春天食材，加埋酸辣汁，清爽開胃！🌷富貴．花廚小食拼盤酥心．炸豆腐丸子 - 帶豆甜同埋香草嘅氣息，口感似唔臭嘅臭豆腐！"面若桃花"麻辣田螺 - 麻辣刺激，田螺爽口！金槍魚塔&乳酪米扁 - 米扁香脆，金槍魚軟綿！♨️福圓．古法酸湯山珍菌菇鍋山珍菌菇配搭貴州野生小蕃茄嘅發酵酸湯，湯頭充滿來自蔬菜同埋菇菌嘅天然甜味，好好飲！亦可加少少on side嘅酸辣湯，增添風味！🥩桂花照燒菲力牛排燒至三成熟嘅菲力牛排，粉嫩軟淋！桂花帶來嘅甜味恰到好處！水準之作！🍚如意．陳釀臘腸糯米飯來自貴州嘅臘腸同埋火腿，為糯米飯增添鹹香！🍇"荷塘月色"葡萄烏龍凍靚到好似一個盤景嘅甜品！🦋藍蝴蝶加入Lemonade，會由藍色漸變成紫色，連冰粒都有藍蝶花，勁靚！☕美滿．刺梨維C"美事"採用貴州特產刺梨，含豐富維化命C，Mix埋咖啡，酸、甘、香平衡！味道就好似刺梨版本嘅橙啡/Espresso Tonic！🎨植物染色工作坊 Free二人套會包埋一份手工藝體驗，同植物顏料去染手巾仔，勁啱文青！
繼續閱讀
餐廳位於銅鑼灣，門口放滿供出售嘅鮮花，內裏亦有花卉佈置，非常fancy，簡直係為女士們而設嘅餐廳😌💐山野花間雙人套餐（$1,088）.【前菜】🌸吉祥•絲娃娃店員會先送上精緻小鉸剪，享用前先為拼盤剪綵，另備籤筒供食客抽出印有不同語句的餅乾，非常有儀式感😌拼盤有9小碟，附以食法教學，以餅皮包住各款素食食材，再淋上帶辣嘅醬汁，味道清新且刺激味蕾😌🌸富貴•花廚小食拼盤- 酥心•炸豆腐丸子- “面若桃花”麻辣田螺- 金槍魚塔- 乳酪米扁拼盤賣相精緻，分別有四款小食，每款小食都各具特色，而且好啱打卡😌【主菜】🌸福圓•古法酸湯山珍菌菇鍋素食鍋內有蘿蔔、南瓜、松茸及羊肚菌等各式菇菌蔬菜，湯底帶香濃蕃茄味，味道酸甜醒胃帶菇菌香，屬養生暖胃之選😌🌸桂花照燒菲力牛排（200g）牛排半熟軟腍，醬汁混有桂花，牛排蘸汁後帶桂花香，預先切片亦食得方便，岩晒懶人，伴菜有烤過嘅薯仔、蕃茄、南瓜和西蘭花😌【主食】🌸如意•陳釀臘腸糯米飯糯米飯以鑄鐵鍋盛裝，所以保溫力強，除一向會有嘅臘腸外，仲加入Parma ham及肉鬆等，糯米亦有別一般，口感介乎米飯與糯米之間，係配搭新穎但又出奇地夾嘅fusion菜式，絕對有驚喜😌【甜品】🌸平安•抹茶乳酪扇賣相有點似如意結，內裏有紅豆，與抹茶味道很搭配，底部有燕麥碎增加口感😌【飲品】🌸古樹紅茶/壺（熱）味道與一般紅茶無異，但解膩確係一流😌🌸美滿•刺梨“茉力”泡泡茶入口帶茉莉香及微氣泡感，味道酸甜有點似維多C😌點選此套餐可免費體驗植物染製作工作坊1次（$99），有得食、有得玩、又有得打卡，確係值得推薦😌
繼續閱讀
今次選擇咗嚟香港島試食, 都係朋友介紹話之前喺大陸食過, 呢到以花做主題, 打卡確實係一流, 如果有朋友生日喺到食飯, 件蛋糕配生日字畫都幾靚, 同埋呢到有得訂花同買花, 平日世貿既夜晚真係人流好少, 一早訂咗位但入座後發現唔多人金鎗魚能量沙律$158 - 賣相不錯, 金鎗魚好新鮮焦糖無花果桂花乳酪塔$98 - 無花果上面放咗乳酪片, 就係咁簡單, 無咩特別點秋香桂花米酒$88 - 杯邊全是桂花, 每喝一口都有桂花香同米酒香, 不錯藍蝴蝶$78 - 上枱時分開冰, 侍應即係倒飲料落去變成粉紫色, 味道一般蜜桃烏龍思慕雪$68 - 蜜桃賣晒變咗士多啤梨, 味道都係一般冇乜特別扒時飲蔬菜 - 賣相不太好, 好普通既雜菜煲炸薯格 - 薯格好鬆脆玫瑰瑪格麗特$88 - 杯外貼滿玫瑰花, 杯邊鹽, 每喝一口都有少少鹽味同酒濃味, 杯裡放了一粒冰, 可能酒精太濃, 所以放粒冰落去一齊飲冇咁容易醉, 呢杯值推介辣牛肉比薩$188 - 芝士好多仲可以拉絲添海鮮意大利麵配鮮蕃茄醬 $198 - 配料都好新鮮, 蜆肉蝦肉帶子都好足料餐廳周圍環境都係以花嚟做襯托, 所以女士們打卡一流, 可能港島區所以食物價錢都偏貴, 可以一試, 但冇特別菜式想令人回頭
繼續閱讀