漁獲浜燒 (已結業)

一個好耐冇見嘅朋友話今晚約我去澳門食嘢，我話封咗關點去，原來係去銅鑼灣好多嘢食嘅澳門逸園中心，今次就揀咗漁獲浜燒。食浜燒，點可以唔飲清酒，我哋要叫咗支鈴鹿川純米大吟釀，味道帶點水果味嘅微甜，而且回甘出眾。特製黑松露炙燒平目魚邊沙律平目魚嘅魚油味好出，肉質十分滑，再配上黑松露和魚子，整個配搭嘅味道夠濃郁，呢個沙律嘅口味啱晒我，真係必食。刺身盛合5款當中包括有牡丹蝦、拖羅、三文魚、油甘魚和馬糞海膽。全部刺身都十分厚切，而且好新鮮。漁獲浜燒盛合當中包括有珍寶大蝦、松葉蟹腳、鮑魚、生蠔和帆立貝。每一樣海鮮嘅size都好大，而且好新鮮，隻蝦成半尺長，隻鮑魚不停扭動。服務員悉心幫我哋炮製每一樣海鮮，技巧純熟，火候適中，食得出每一種海鮮不同嘅鮮味，一啖海鮮、一啖清酒，極之享受，令你有置身喺日本嘅感覺。日本赤雞腎炒銀牙雞腎夠分爽口和彈牙，再配合埋銀牙、韭菜、蒜片和大量黑椒，味道濃郁，用嚟送清酒，絕對一流。原本我唔太食內臟，都忍唔住一口一口咁食。番薯雪糕、原味芝士蛋糕估唔到雪糕嘅味道比番薯更加番薯，所以好似食緊入口即溶嘅番薯，十分特別。再食埋味道濃郁嘅芝士蛋糕，今餐真係大滿足。