明記海鮮潮州菜館 (天保大廈)

營業中

休息中

今天到荃灣，睇完戲諗住去食打冷, 上OPENRICE睇下附近有冇, 見明記消費滿$300送滷水雜拼一碟，有鵝腸，腎，豬大腸等潮州滷水配料。於是去試試。潮州滷水拼盤內鵝腸彈牙，配上浸滿滷汁芽菜，一口放入口簡直一流。京都炸大腸炸得外皮鬆脆，夾件菠蘿片去一齊食,意外地好味,加上兩者數量相約。用來送酒一流。碧綠炒蝦球可話蝦球處理得唔錯，乾淨，爽口彈牙又保留蝦球清甜，老少皆宜的西芹炒蝦球岩食。火喉掌握得夠镬气。瑤柱蛋白炒飯做得不俗，飯炒得夠乾，見飯粒，又夠美味。整體而言，環境夠大，價錢合理，值得一試。 而且冷氣十分充足。明記係一個群聚好地方。