影片
更多
2021-08-24
697 瀏覽
對於中菜一直都情有獨鍾今次終於可以嚟到米芝蓮三星朗廷酒店嘅唐閣，一個月前已經訂定枱 ，訂埋片皮鴨 。一去到侍應就帶我哋坐低問我地飲咩茶，全晚食飯侍應都好留神杯茶一飲咗就即刻有人嚟斟滿非常抵讚！ 第一味餸就係送嘅帶子冷盤，味道一般，不過係送嘅都OK啦 。然後就係炸大腸啦 炸得好酥脆好香但一啲都唔油膩。之後就係期待已久嘅釀蟹蓋啦，啱啱炸好既蟹蓋非常熱，但忍唔住即刻放落口。嘩！真係淡淡蟹肉係新鮮蟹肉，非常好食。平時唔鍾意食蟹嘅爸爸都食得非常滋味仲額外追加一個添！跟住我哋嗌左一個炆斑頭腩，呢道菜冇乜人介紹，魚肉好滑份量都唔少而且仲有火腩，呢個真係超惹味，完全係意料之外！終於輪到片皮鴨，侍應首先放喺枱面俾我哋影相，然後就喺我哋面前片皮鴨，皮片得好薄，加上隻鴨唔肥，連個包皮都非常薄，配埋嗰啲醬同埋配料係非常好食。片皮鴨係包左兩食第二味我哋揀咗涼瓜炆鴨肉，救救玉都係精心挑選唔似出邊酒樓淨係掉晒啲鴨頭鴨骨落去炒，真係捉晒成隻鴨好大碟呢個真係食唔晒。呢個片皮鴨相對出邊其他餐廳都偏貴$1000一隻鴨但有兩食，仲要兩色都係好食就真係非常抵！嗌左一碟清炒菜心，份量雖然少，只有八條左右就收費$220但係每條都好
然後就係炸大腸啦 炸得好酥脆好香但一啲都唔油膩。之後就係期待已久嘅釀蟹蓋啦，啱啱炸好既蟹蓋非常熱，但忍唔住即刻放落口。嘩！真係淡淡蟹肉係新鮮蟹肉，非常好食。平時唔鍾意食蟹嘅爸爸都食得非常滋味仲額外追加一個添！
跟住我哋嗌左一個炆斑頭腩，呢道菜冇乜人介紹，魚肉好滑份量都唔少而且仲有火腩，呢個真係超惹味，完全係意料之外！
終於輪到片皮鴨，侍應首先放喺枱面俾我哋影相，然後就喺我哋面前片皮鴨，皮片得好薄，加上隻鴨唔肥，連個包皮都非常薄，配埋嗰啲醬同埋配料係非常好食。片皮鴨係包左兩食第二味我哋揀咗涼瓜炆鴨肉，救救玉都係精心挑選唔似出邊酒樓淨係掉晒啲鴨頭鴨骨落去炒，真係捉晒成隻鴨好大碟呢個真係食唔晒。呢個片皮鴨相對出邊其他餐廳都偏貴$1000一隻鴨但有兩食，仲要兩色都係好食就真係非常抵！
嗌左一碟清炒菜心，份量雖然少，只有八條左右就收費$220但係每條都好翠綠而且好鮮甜。
之後就上咗和牛粒炒飯，和牛味道濃郁但又唔會搶咗飯香，而且飯粒粒粒分明仲有陣陣蛋香非常滿意。然後又到我期待已久嘅寶盒海鮮飯，一嚟到個擺碟已經係好精緻，有一隻蟹形狀嘅碟，個海鮮飯鋪滿厚厚嘅芝士，係無從入手！一食啲芝士同啲餡料已經走晒出嚟，好足料啊有帶子有蝦個芝士好香不過就冇個蟹蓋咁驚艷！
最後仲叫咗一個鮑魚燴麵，個樣就好靚啦！但係食落個鮑魚呢就似普通罐頭鮑魚，個麵就好重鹼水味，但就冇乜調味咁，非常普通，呢個可以唔使嗌。
成餐飯屋企人都超級滿意，除左個鮑魚麵，嗌左咁多餸都係四千幾蚊，以米芝蓮三星來講覺得超值，有機會會再同屋企人嚟。
張貼