摘星之旅第一站米芝蓮三星中菜唐閣好多人都離港消費，但作為香港嘅一份子，我同老公都會努力留港消費，為香港餐飲業出一分力🤣（好明顯其實係為食！） 作為摘星之旅嘅第一站，我地揀左米芝蓮三星嘅唐閣，作為之後嘅米芝蓮中菜標準👍🏻✨酥炸鮑魚一落完order就會先上餐前小食，而小食係炸鮑魚。酥炸鮑魚雖然細隻但彈牙，炸衣夠薄同脆口，以餐前小食計有驚喜。✨唐閣拼盤 $550💛蜜汁銀鱈魚呢道蜜汁銀鱈魚係完全俾佢驚艷到！外脆內嫩到極致！銀雪魚魚油入口即溶，配上甜度岩岩好嘅蜜汁，真係好食到想食多份呀！💛蜜汁餞叉燒肉質軟腍，同厚切令口感非常好，但蜜汁嘅甜度比較淡味。💛凍鮑片鮑片彈牙入味，鮑魚鮮味十足，鮑汁味道非常濃郁。💛海蜇海蜇爽口彈牙，酸酸甜甜嘅汁好開胃，用呢個做拼盤做結尾岩岩好，令你開胃進入主菜環節！✨釀焗鮮蟹蓋 $360呢到係最最最期待嘅菜式！侍應好細心先拎俾你相機食先再幫你細心分碟，抵讚！蟹蓋入面係滿滿嘅蟹肉，感覺好幸福！而整體係忌廉味比較濃，但又唔會蓋過蟹肉嘅鮮味！✨唐閣片皮雞兩食 $980片皮雞呢個價錢有兩食其實好抵！而侍應仲會席前片雞，見住出晒煙嘅雞仲滴住雞油咁，一路等一路流口水🤤而片皮雞係會連肉多一啲，所以食落除左有非常脆口嘅雞皮，仲會有雞肉油香味。配上特別調製嘅醬加上青瓜食，口感味道豐富有層次！✨雞菘呢味真係第一次食，雞菘炒得好有火喉，但一啲都唔乾，用生菜包住食又清新又食到雞肉香味，唔錯。✨蓮蓉焗西米布甸 $70我諗係食過嘅蓮蓉焗西米布甸中最岩口味嘅一次，蓮蓉好滑甜度岩岩好，而焗過嘅西米布甸彈牙有口感！✨木瓜桃膠糖水$70木瓜嘅鮮味出晒嚟，好清甜，桃膠彈牙，一碗好飲嘅中式糖水✨茗茶 $45…查看更多
，提早慶祝母親節。
食物真係唔錯嘅，:)服務人員的態度也很好，但實在太慢太不夠人手了:(。一頓午餐食足3小時，中間也要起身招手幾次才有服務員過來，對於這個檔次的中菜館而言是有點失望呢。
焗蟹蓋果然如傳聞中出色。最驚喜的是滷水豬腳仔。芝麻卷係我最推薦嘅甜品。額外叫咗XO醬炒腸粉，唔到都好好食。貪得意叫咗片皮雞，不過其實都係片皮鴨好食啲。叉燒係好食嘅，不過唔算特別驚喜。每人各按自己口味叫咗個湯，都足料好味。服務員都好好，幫我買單嘅時候提我入會，即時享有八五折，慳返幾百蚊。
