影片
更多
2012-10-30
35 瀏覽
估唔到睇咗 OPENRICE 咁耐, 無諗過會學人寫食評, 我既第一次, 竟然獻咗俾佢... 話說小弟正值牛一, 未來老婆玩驚喜, 臨放工一刻都仲未知去邊度食, 結果喺牛頭角地鐵站附近迷咗路, 遊咗個大運, 身水身汗之際, 終於搵到呢間酒店, 估唔到喺工業區有間咁靚既酒店...入到酒店大堂, 好有精品酒店既感覺, 裝潢同埋燈光既配搭都好舒服...終於去到餐廳門口, 知道今晚會係食 semi buffet, 頓時食指大動...坐低後, 侍應拎咗部 ipad 過嚟, 原來係 menu, main course 有烤雞, 牛柳, 鱈魚同豬扒, 未來老婆怕鱈魚會腥, 但經幾番游說後點了牛柳同埋鱈魚, 之後開始出巡食物枱...出去行咗一轉, 可能始終都係 semi buffet, 食物款式唔算多, 但都見幾精美, 結果食咗下面既食物 :燒牛肉沙律 : 燒牛肉半生熟, 有牛味, 唔錯唔錯凍蝦 : 蝦都幾大隻, 食落好爽口好甜刺身 : 三文魚啲脂肪紋都幾靚, 食落口感同埋味道都唔錯; 吞拿魚估唔到佢厚切, 好好食; 立魚食落都好爽口同埋有甜味; 八爪魚就好好咬口, 老老實實佢
話說小弟正值牛一, 未來老婆玩驚喜, 臨放工一刻都仲未知去邊度食, 結果喺牛頭角地鐵站附近迷咗路, 遊咗個大運, 身水身汗之際, 終於搵到呢間酒店, 估唔到喺工業區有間咁靚既酒店...
入到酒店大堂, 好有精品酒店既感覺, 裝潢同埋燈光既配搭都好舒服...
終於去到餐廳門口, 知道今晚會係食 semi buffet, 頓時食指大動...
坐低後, 侍應拎咗部 ipad 過嚟, 原來係 menu, main course 有烤雞, 牛柳, 鱈魚同豬扒, 未來老婆怕鱈魚會腥, 但經幾番游說後點了牛柳同埋鱈魚, 之後開始出巡食物枱...
出去行咗一轉, 可能始終都係 semi buffet, 食物款式唔算多, 但都見幾精美, 結果食咗下面既食物 :
燒牛肉沙律 : 燒牛肉半生熟, 有牛味, 唔錯唔錯
凍蝦 : 蝦都幾大隻, 食落好爽口好甜
刺身 : 三文魚啲脂肪紋都幾靚, 食落口感同埋味道都唔錯; 吞拿魚估唔到佢厚切, 好好食; 立魚食落都好爽口同埋有甜味; 八爪魚就好好咬口, 老老實實佢啲刺身比一般既 buffet 食到既貨色好好多
南瓜湯 : 味道 OK, 不過我唔太鍾意食南瓜
甜品 : 估唔到啲個芝士蛋糕都幾好食, 芝士味濃得嚟又唔太甜
仲有就係, 你點咗菜後, 侍應們會送上少量面包, 同埋一個樽埋嚟, 個樽都幾特別, 扭左出黑醋, 扭右出橄欖油, 幾好玩... 啲碟同碗都有 design, 都幾靚...
食咗以上既食物後, 基本上都飽咗六七成... 弊, 原來仲未上主菜...
牛柳 : 鵝肝入口即溶, 無臭味, 仲有酒香, 令我完全對鵝肝改觀... 牛柳要咗四成熟, 切開咗兩舊上, 但無血水流出嚟, 好有肉味都好淋身
鱈魚 : 肉質好爽口 ! 用牛油煎過, 但一啲都唔膩, 魚皮都幾脆口同香, 魚肉都好有鮮味, 呢味菜都幾有驚喜吓, 亦都一改對鱈魚係腥既觀念
本身餐跟咖啡茶, 我哋 order 咗一杯凍啡一杯熱啡, 諗住普普通通一杯餐茶啫, 點知就出咗事...
啱啱食完舊芝士蛋糕, 咖啡就上, 個口食完甜嘢, 再飲齋啡一定會好難頂, 點知佢杯齋啡無酸同苦味 !!! 好難得一杯餐茶做到咁好, 再者, 凍咖啡配凍鮮奶, 熱咖啡竟然配熱鮮奶 !!! 其實整體上服務態度已經唔錯, 但估唔到埋尾一杯餐茶竟然可以做到咁細心, 呢度真係想俾十個 like 佢 !!!
結論係, 食 buffet 款式多唔一定好食, 款式少唔一定差... 但好抱歉... 因為食物太好食同精美... 我哋食完先記得無影到相...
張貼