影片
更多
2019-05-22
37 瀏覽
聽朋友講旺角女人街有間鐵板燒好好食，於是就同朋友去左試下係咪真。入到去侍應帶左我地坐吧枱，我地都覺得唔錯，因為可以同廚師有互動同溝通。之後係我同朋友揀食咩既時候廚師亦有主動推薦唔同既set，非常抵讚。我同朋友最後揀左鐵板大蝦套餐（二人前）。首先餐廳會上左三文魚，甜蝦刺身，沙律同昆布湯。刺身都幾新鮮，食落鮮甜。沙律，昆布湯就都係平時唔同餐廳既水準，不過不失。之後侍應會執好一盆食材準備比廚師燒，亦會俾食客作準，見到食材都新鮮，亦無偷工減料。第一樣師傅就揀左大蝦做第一樣菜，見到師傅手勢好純熟，三兩下已經將大蝦剝殻同埋煎熟分件上碟。蝦煎得岩岩好，食落非常彈牙，調味恰到好處，一流！第二樣就係龍利，師傅依然處理得好好，個魚燒得岩岩好。用左牛油做底去煎，再配埋胡椒同鹽調味，非常正。之後就到安格斯肉眼，塊扒既size係大約8oz多小小，師傅煎前會問熟度，我地order5成，師傅都掌控得好好。我另外再問師傅拎生蒜都好願意特登幫我炒，好nice。最後就係炒烏冬同埋炒野菜。烏冬有少少牛肉碎，係用日式醬汁炒成，都唔錯。炒野菜都好好食，菜係用椰菜，爽口惹味。甜品就揀左芝麻雪糕同雞蛋布甸，兩樣都係正常水準，不過本
入到去侍應帶左我地坐吧枱，我地都覺得唔錯，因為可以同廚師有互動同溝通。之後係我同朋友揀食咩既時候廚師亦有主動推薦唔同既set，非常抵讚。
我同朋友最後揀左鐵板大蝦套餐（二人前）。
首先餐廳會上左三文魚，甜蝦刺身，沙律同昆布湯。刺身都幾新鮮，食落鮮甜。沙律，昆布湯就都係平時唔同餐廳既水準，不過不失。
之後侍應會執好一盆食材準備比廚師燒，亦會俾食客作準，見到食材都新鮮，亦無偷工減料。
第一樣師傅就揀左大蝦做第一樣菜，見到師傅手勢好純熟，三兩下已經將大蝦剝殻同埋煎熟分件上碟。蝦煎得岩岩好，食落非常彈牙，調味恰到好處，一流！
第二樣就係龍利，師傅依然處理得好好，個魚燒得岩岩好。用左牛油做底去煎，再配埋胡椒同鹽調味，非常正。
之後就到安格斯肉眼，塊扒既size係大約8oz多小小，師傅煎前會問熟度，我地order5成，師傅都掌控得好好。我另外再問師傅拎生蒜都好願意特登幫我炒，好nice。
最後就係炒烏冬同埋炒野菜。烏冬有少少牛肉碎，係用日式醬汁炒成，都唔錯。炒野菜都好好食，菜係用椰菜，爽口惹味。
甜品就揀左芝麻雪糕同雞蛋布甸，兩樣都係正常水準，不過本身都唔係重點所以都無咩所謂，成餐已經食得好過癮！
鐵板燒黎講呢個價位餐廳絕對對得住，所以想試絕對可以去呢間試下。
張貼
