影片
更多
2017-03-05
405 瀏覽
響灣仔返工，附近嘅餐廳都差不多試過晒，想試吓新野但又唔想去太遠，發現原來靠近伊利沙伯體育館附近，有間食評唔錯嘅餐館打邊爐，反正朋友有揸車，就黎試下新野！位置上係響一間酒店入邊嘅中菜廳，滿面都大。室內環境仲好寬躺，除咗大廳我亦有幾間個人包廳(唔係拍塊板果隻，係真係一間間房)，私隱度不錯！醬料應有盡有，不過唔似出面有d特色嘅醬，所以我個人認為合格但無特別驚喜。打邊爐當然最緊要個鍋底，呢度有個鍋好特別，叫做天山雪雁鍋。部長話係季節性的，只供應到三月就會冇，佢介紹話個湯底好甜，所以我哋都試吓！上枱後覺得膠質頗濃，味道真係好清甜，入面仲有大量紅棗同蟲草花， 感覺好滋補！呢度象拔蚌做緊特價，我哋都叫咗一份刺身嚟食！侍應送到嘅時候我同朋友都覺得好大份，口感爽脆，味道十分鮮甜！$988黎講絕對值回票價！另外叫咗一份大嘅牛肩脊，油脂分布均勻，入口有𡁻口但不韌，牛味濃郁！花膠係我同另一位女友人點嘅，頗厚身，重膠質！花膠吸收左湯底精華巨更甜！珊瑚蚌夠大頭，唔係出面平價貨碎濕濕果重，灼熟後好爽脆，鮮味十足！呢度仲叫有蟲草花可以叫，但原來本身個鍋底入邊已經有好多蟲草花，我地真係多到食唔哂！桶蠔好大好大隻，朋友都
位置上係響一間酒店入邊嘅中菜廳，滿面都大。室內環境仲好寬躺，除咗大廳我亦有幾間個人包廳(唔係拍塊板果隻，係真係一間間房)，私隱度不錯！
醬料應有盡有，不過唔似出面有d特色嘅醬，所以我個人認為合格但無特別驚喜。
打邊爐當然最緊要個鍋底，呢度有個鍋好特別，叫做天山雪雁鍋。部長話係季節性的，只供應到三月就會冇，佢介紹話個湯底好甜，所以我哋都試吓！上枱後覺得膠質頗濃，味道真係好清甜，入面仲有大量紅棗同蟲草花， 感覺好滋補！
呢度象拔蚌做緊特價，我哋都叫咗一份刺身嚟食！侍應送到嘅時候我同朋友都覺得好大份，口感爽脆，味道十分鮮甜！$988黎講絕對值回票價！
另外叫咗一份大嘅牛肩脊，油脂分布均勻，入口有𡁻口但不韌，牛味濃郁！
花膠係我同另一位女友人點嘅，頗厚身，重膠質！花膠吸收左湯底精華巨更甜！
珊瑚蚌夠大頭，唔係出面平價貨碎濕濕果重，灼熟後好爽脆，鮮味十足！
呢度仲叫有蟲草花可以叫，但原來本身個鍋底入邊已經有好多蟲草花，我地真係多到食唔哂！
桶蠔好大好大隻，朋友都食得津津有味，讚不絕口，但我個人比較唔好彩，食中咗一隻有沙嘅。。。
總括呢度環境好寬敞，侍應服務亦都好周到同親切！只係如果冇揸車嘅話地點就有啲隔涉，揸車嘅朋友可以選擇拍伊館就勁方便！下次一於再黎試下小菜！張貼
