蟹慶 (已結業)

同朋友去咗銅鑼灣蟹慶食lunch，第一次嚟食，感覺好唔錯👍🏻位於澳門逸園中心地庫，地點方便。裝修寬敞舒適，充滿和風感既然主打蟹，當然有唔同種類嘅蟹，亦都有唔同嘅烹調方式🍽️今次我哋叫咗特選會席套餐，係二人餐嚟嘅。先嚟係松葉蟹肉三文魚籽沙律，作為開胃前菜好唔錯，有蟹肉嘅鮮味同三文魚籽嘅鹹香，配菜仲有漬物同芥末章魚，呢個章魚好爽口🐙刺身有三款，至正一定係拖羅，入口溶化，絕對回味🤤另外兩款係池魚同油甘魚。蟹肉多士好足料，好多蟹肉同蟹籽，好有滿足感💕可以加埋忌廉芝士一齊食。黑魚子海膽蟹肉蒸蛋，蒸蛋夠滑絕對係重中之重，海膽令效果提鮮不少，除咗蟹肉，食到尾仲有貝柱👍🏻日本時令活蟹，當日就係毛蟹，多數都喺日本食，第一次喺香港食，都有質素，蟹膏蟹肉都算多，夠鮮甜，點埋水雲醋令鮮味更加突出🦀松葉蟹甲羅燒味道濃郁，配米通食啱啱好。浜燒鱈場蟹係啖啖肉之選，厚肉鮮味😍松葉蟹釜飯就相機食先📸打完咭店員就將黑松露，蔥同三文魚籽拌勻，分成兩碗，飯粒粒分明，黑松露同三文魚籽生色不少。最後就有濃郁嘅蟹肉南瓜湯，紅豆抹茶布甸配黑糖蕨餅做甜品，完美作結