半島酒店大堂茶座

營業中

休息中

半島酒店正在做優惠，生日晚餐送蛋糕。上網看了set dinner沒有很貴，400鬆啲一位，之前1月老公生日已經想訂位，可惜full 了。到4月我生日，終於訂到位了。疫情之下，進酒店前要量體溫。雖然是平日，在有距離規定之下，生意尚算不錯，可見只有有實力的餐廳才頂得住疫情。雖然因為規定顧客少了，但依然無縮budget ，有live band唱歌，很有情調。食物一貫水準，個人覺得挺好吃的。set dinner main 牛和魚二選一，因為老公和我不吃牛，西餐最怕食魚但都無得揀。看menu和賣相覺得魚不好吃，但原來食落有驚喜，有魚香味也很嫩。餐包很好吃，食得出用靚麵粉，小麥味很香，牛油都係鮮牛油，無嗰種臭油膩味。平時和朋友去開半島食tea，甜品和蛋糕一直保持水準，值得一讚係佢哋裝飾用的朱古力牌，全部都係好食的朱古力，其他五星酒店都未必做到。送的蛋糕個樣睇落比較樸實，食完個set好飽就選擇打包。第二朝先食依然很濕潤好味，檸檬乳酪蛋糕好fresh唔膩，配咖啡做早餐剛好半島係我一直有keep住幫襯的餐廳，雖然評論有好有壞，但我幫襯咁耐，一直都係覺得有水準好食，服務同食物質素符合價錢。