影片
更多
2024-03-11
69 瀏覽
平時喺街飲手搖飲品都會有種罪疚感，怕對身體做成負擔又難忍口，膚淺嘅我揀手搖飲品味道排第一，外型排第二，加健康當然就係錦上添花呢！Mother Pearl 圓貝顛覆大眾對手搖飲多糖又無營養嘅概念，一次過滿足三個要求！作為全港首個唯一採用全自家製作食材嘅珍珠奶茶品牌，圓貝嘅茶飲嚴選健康養生天然食材，例如植物奶、超級食物手工珍珠、植物奶蓋，用嘅甜味劑都係天然嘅，比一般加工精製糖更健康～如果你同我一樣麻麻地清水、又覺得手搖飲品對健康有負擔，就超適合嚟「圓貝」 能同時滿足慾望、又能達到健康訴求，因為喺度會發掘到意想不到嘅健康配搭㗎🙆🏻♀️椰林樹影用上小山園抹茶配椰子奶，味道清甜。加入菠蘿滲出陣陣果香，充分發揮原材料嘅香氣優勢！抹茶嘅甘香夾埋椰子幽幽清香，交織出難以抗拒嘅滋味！最特別係使用羅漢果糖製作嘅啫喱，低卡又有得嚼嚼下。熱情烏龍茶味醇香，甜度較低口味比較清新，水果（熱情果｜香水檸檬｜西柚｜菠蘿）伴隨著清爽嘅黃金烏龍茶以及清新嘅天然甜味，底部係絲絲充滿質感又晶瑩剔透嘅雪燕，屬於清新而具果香風味嘅茶飲之選✨爆芝脆批作為一個知心嘅芝士控，又點可以錯過佢哋嘅爆芝脆批～分別叫咗西西里菠菜素批及紐約辣芝
平時喺街飲手搖飲品都會有種罪疚感，怕對身體做成負擔又難忍口，膚淺嘅我揀手搖飲品味道排第一，外型排第二，加健康當然就係錦上添花呢！Mother Pearl 圓貝顛覆大眾對手搖飲多糖又無營養嘅概念，一次過滿足三個要求！作為全港首個唯一採用全自家製作食材嘅珍珠奶茶品牌，圓貝嘅茶飲嚴選健康養生天然食材，例如植物奶、超級食物手工珍珠、植物奶蓋，用嘅甜味劑都係天然嘅，比一般加工精製糖更健康～如果你同我一樣麻麻地清水、又覺得手搖飲品對健康有負擔，就超適合嚟「圓貝」 能同時滿足慾望、又能達到健康訴求，因為喺度會發掘到意想不到嘅健康配搭㗎🙆🏻♀️
椰林樹影用上小山園抹茶配椰子奶，味道清甜。加入菠蘿滲出陣陣果香，充分發揮原材料嘅香氣優勢！抹茶嘅甘香夾埋椰子幽幽清香，交織出難以抗拒嘅滋味！最特別係使用羅漢果糖製作嘅啫喱，低卡又有得嚼嚼下。
熱情烏龍
茶味醇香，甜度較低口味比較清新，水果（熱情果｜香水檸檬｜西柚｜菠蘿）伴隨著清爽嘅黃金烏龍茶以及清新嘅天然甜味，底部係絲絲充滿質感又晶瑩剔透嘅雪燕，屬於清新而具果香風味嘅茶飲之選✨
爆芝脆批作為一個知心嘅芝士控，又點可以錯過佢哋嘅爆芝脆批～分別叫咗西西里菠菜素批及紐約辣芝士素批，內裏餡料飽滿，非常吸引～餃子型嘅素批呈半圓形，外皮焗至金黃色將芝士及餡料緊緊鎖住！綠色嘅係西西里菠菜素批，酥脆之餘保持到菠菜清新味道；橙色嘅係紐約辣芝士素批，濃濃香料氣味蘊含其中，有西班牙莎莎嘅加持味道更佳，啱晒素食人士😉
紅絲絨麻糬曲奇深紅色嘅曲奇有住紅色天鵝絨般嘅質地，十分打卡able～曲奇口感軟身，入面加咗夾心麻糬，麻糬飽滿實帶點煙韌，好味！ (曲奇成份用上純素牛油)
張貼
