鮨慎

營業中

休息中

記錄下2023年疫情後生日月第一餐生日飯。Omakase︰21道由鵬師傅親自操刀傳統和食料理及壽司，日本空運刺身作壽司主食：濃郁鮟康魚肝、中吞拿魚、爽口鮑魚及八爪魚片、龍蝦等等，食材新鮮香濃。經師傅用心調配，不單唔會過咸，而且更突出鮮味。海膽顛覆咗對香港食海膽嘅恐懼，爽口新鮮，濃烈膽味。壽司8貫 刺身好高水準，種類太多不能盡錄。飯底已經調好味將海鮮再昇華，細心師傅知道我飽，做成“20粒”飯迷你版壽司。近尾聲會有兩件玉子燒，完全無落麵粉，但入口質地、味道，甚至賣相都同一件微型莎莉蛋糕一樣。日本夕張蜜瓜，甜、多汁、香！純米大吟釀，純到米香蓋過酒味，滑身濃厚。由Welcome drink 清淡姬松茸麵豉湯到生日芝麻雪糕 waffle，全餐食足3小時。鮨慎日本老闆師承字號“岡田”，餐後老闆請飲梅酒，繼續分享飲食，交流心得。總結︰待客精神賓至如歸，90度鞠躬恭送，更突顯日本人傳統禮儀。師傅細心地按每位客人食量同喜好作出調整， 誠意堆砌擺盤，每道菜都似畫咁靚、用心製作食物，實行傳統方法將廚師工藝發辦。